Qarabağda döyüşlər (2023)

Vikipediya, azad ensiklopediya
Baskervill (müzakirə | töhfələr) tərəfindən edilmiş 02:23, 20 sentyabr 2023 tarixli redaktə
Naviqasiyaya keç Axtarışa keç
Azərbaycan və erməni qüvvələri arasında döyüşlər
Qarabağ münaqişəsi
Tarix 19 sentyabr 2023
Yeri  • Rusiya Sülhməramlı Kontingentinin müvəqqəti yerləşdirildiyi Azərbaycan əraziləri
 • Ağdam rayonu və Şuşa şəhəri
Səbəbi  • Azərbaycanın Konstitusiya quruluşunun bərpa edilməsi məqsədilə aparılan anti-terror əməliyyatı (Azərbaycan iddiası)
 • Azərbaycanın ermənilərə qarşı aqressiyası və təcavüzü (Ermənistan iddiası)
Nəticəsi  • mövqelərdə yerdəyişmələr olmamışdır
 • Azərbaycan Ordusu 60-dan çox döyüş mövqeyini nəzarət altına almışdır (iddia)
Münaqişə tərəfləri

Azərbaycan Azərbaycan

Qondarma Dağlıq Qarabağ Respublikası Dağlıq Qarabağ

Komandan(lar)
Azərbaycan İlham Əliyev
Azərbaycan Zakir Həsənov
Azərbaycan Kərim Vəliyev
Azərbaycan Ramiz Tahirov 		Qondarma Dağlıq Qarabağ Respublikası Samvel Şahramanyan
Qondarma Dağlıq Qarabağ Respublikası Kamo Vardanyan
Tərəflərin qüvvəsi

Quru Qoşunları
Hərbi Hava Qüvvələri

Dağlıq Qarabağ Müdafiə Ordusu

İtkilər
2 hərbçi yaralanmışdır
1 dinc insan həyatını itirmişdir
1 dinc insan yaralanmışdır 		23 hərbçi həyatını itirmişdir
109 hərbçi yaralanmışdır
2 dinc insan həyatını itirmişdir
29 dinc insan yaralanmışdır
Vikianbarın loqosu Vikianbarda əlaqəli mediafayllar

19 sentyabr 2023-cü ildə, səhər saatlarında Qarabağda Azərbaycan silahlı qüvvələri və erməni silahlı birləşmələri arasında silahı toqquşma başlamışdır. Münaqişə Azərbaycan silahlı qüvvələrinin Rusiya Sülhməramlı Kontingentinin 10 noyabr 2020-ci il tarixli bəyanatına əsasən yerləşdirildiyi ərazilərdə başlamışdır. Azərbaycanın Müdafiə Nazirliyinin Anti-terror əməliyyatı adı verdiyi silahlı toqquşmadan bir neçə saat əvvəl Xocavənd rayonu ərazisində mina partlayışları olmuşdur və nəticədə Daxili İşlər Nazirliyinin polisləri də daxil olmaqla 9 nəfər həyatını itirmişdir.

Silahlı toqquşmalar hələ də davam edir.

Zəmin

1980-ci illərin sonlarında başlamış Azərbaycan–Ermənistan Dağlıq Qarabağ münaqişəsi 1990-cı illərin əvvəllərindən 1994-cü ilin mayına qədər Birinci Qarabağ müharibəsinə səbəb olmuşdur.[1][2] Müharibə zamanı Azərbaycanın Dağlıq Qarabağ regionu və onun ətrafında olan yeddi rayon Ermənistan silahlı qüvvələri və erməni hərbi dəstələri tərəfindən işğal edilmişdir.[2] İşğal nəticəsində bir milyondan çox azərbaycanlı qaçqın düşmüşdür, münaribə zamanı isə həm Azərbaycan, həm də Ermənistan tərəfində ümumi olaraq 16–18 min insan öldürülmüşdür, mindən çox insan itgin düşmüşdür.[2]

1994-cü ildən aparılan sülh danışıqları nəticə verməmiş, 1994–2020-ci illərdə ara-sıra Dağlıq Qarabağ təmas xəttində və Azərbaycan–Ermənistan sərhədində silahlı toqquşmalar baş vermişdir.[2]

2020-ci ilin sentyabr–noyabr aylarında Azərbaycan Silahlı Qüvvələrinin başladığı hərbi əməliyyatlar nəticəsində 26 ildən çox dondurulmuş olan münaqişə yenidən alovlanmışdır.[2] 44 gün ərzində Azərbaycan Ordusu yeddi bölgəni – Cəbrayıl, Füzuli, Zəngilan, Qubadlı, Ağdam və Laçın rayonlarını, həmçinin Şuşa şəhərini tamamilə, Xocavənd və Kəlbəcər rayonlarının geniş hissəsini, Xocalı və Tərtər rayonlarının isə bir hissəsini işğaldan azad eləmişdir.[2] Hərbi əməliyyatlar 10 noyabr 2020-ci ildə Azərbaycan, Ermənistan və Rusiya liderləri arasında imzalanan üçtərəfli bəyanatla başa çatmışdır.[3]

Bununla belə müharibədən sonra Azərbaycan–Ermənistan sərhədində böhran başlamışdır. 2021-ci ildə Azərbaycan və Ermənistanda sərhəd delimitasiyası üzrə işçi qruplar yaradılmışdır. Danışıqlar böhran və bölgədə ara-sıra baş verən silahlı toqquşmalarla müşahidə olunmuşdur. 2021-ci ilin noyabrında sərhəddə birinci silahlı toqquşmalar baş vermişdir. Müharibədən sonra əl qanlı toqquşma 2022-ci ilin sentyabrında sərhəddə baş vermişdir və ümumi olaraq həm Azərbaycan, həm də Ermənistan tərəfdən 300-dən çox insanın ölümünə səbəb olmuşdur. 2023-cü ildə isə tərəflər əvvəlcə martda Şuşa istiqamətində, sonra isə apreldə və mayda sərhəd istiqamətində toqquşmuşdur.

2023-cü il aprelin 23-də Azərbaycanın Dövlət Sərhəd Xidməti 10 noyabr 2020-ci il tarixli üçtərəfli bəyanata zidd olaraq Ermənistandan Azərbaycan ərazisində olan qeyri-qanuni erməni silahlı dəstələri üçün canlı qüvvə, silah-sursat, mina, eləcə də digər hərbi təyinatlı vasitələrin daşınmasının qarşısının alınması məqsədilə və Ermənistan tərəfindən 22 aprel tarixində birtərəfli qaydada Azərbaycan ilə sərhəddə Laçın–Xankəndi yolunun girişində nəzarət buraxılış məntəqəsinin qurulmasına cavab olaraq aprelin 23-ü saat 12:00-da Dövlət Sərhəd Xidmətinin bölmələri tərəfindən Azərbaycanın suveren ərazilərində, Ermənistan ilə sərhəddə, Laçın–Xankəndi yolunun başlanğıcında "Laçın" Nəzarət-Buraxılış Məntəqəsinin qurulduğunu bildirmişdir.[4]

19 sentyabr mina partlayışları

Azərbaycanın Daxili İşlər Nazirliyi sentyabrın 19-da saat 01:00 radələrində Füzuli rayonu ərazisində ağır yol-nəqliyyat hadisəsi baş verdiyini bildirmişdir. Daxili İşlər Nazirliyinin (DİN) mətbuat xidmətindən məlumatına əsasən avtomobilinin aşması nəticəsində DİN-in 3 polisi hadisə yerində həyatını itirmiş, 6 polis isə müxtəlif dərəcəli bədən xəsarətləri almışdır.[5] Gecənin növbəti saatlarında Daxili İşlər Nazirliyinin (DİN) mətbuat xidməti sentyabrın 19-da saat 04:00 radələrində Xocavənd rayonu ərazisində avtomobilinin minaya düşməsi barədə məlumat vermişdir. Məlumata görə, Azərbaycan Avtomobil Yolları Dövlət Agentliyinə məxsus "Hovo" avtomobilinin minaya düşməsi nəticəsində sürücü və sərnişini hadisə yerində həyatını itirmişdir.[6] Hadisə zamanı həyatını itirənlərin Azərbaycan Avtomobil Yolları Dövlət Agentliyi (AYDA) 43 saylı idarəsinin işçiləri olan şəxslər 02.05.1965-ci il təvəllüdlü Quliyev Fərhad Hüseynağa oğlu və 21.11.1970-ci təvəllüdlü Sadıxov Samir Sabiroviçin ölməsi müəyyən olunmuşdur.[7][8][9]

Səhər saatlarında Azərbaycanın Baş Prokurorluğu, Daxili İşlər Nazirliyi və Dövlət Təhlükəsizliyi Xidmətinin mətbuat xidmətlərinin birgə məlumatla çıxış eləmişdir. Məlumatda sentyabrın 19-da Daxili İşlər Nazirliyinin (DİN) polislərinin olduğu "KamAZ" nəqliyyat vasitəsinin həmin gün Əhmədbəyli-Füzuli-Şuşa yolunun Xocavənd rayonunda, 58-ci Kilometrliyində Azərbaycan Avtomobil Yolları Dövlət Agentliyi (AAYDA) işçilərinin öldürülməsi ilə nəticələnmiş terror hadisəsinin baş verdiyi yer istiqamətində olan zaman saat 04:30 radələrində Xocavənd rayonunun Tağaverd yaşayış məntəqəsinin ərazisində yeni inşa olunan tunel yolunda sülhməramlıların müvəqqəti yerləşdiyi ərazidə fəaliyyət göstərən qanunsuz erməni silahlı birləşmələrinin təxribat-diversiya qrupu tərəfindən yerləşdirilmiş minaya düşməsi nəticəsində partlamış olduğu qeyd edilmişdir. Hadisə zamanı Daxili İşlər Nazirliyinin (DİN) polisləri olan 05.02.1994-cü il təvəllüdlü Camalzadə Asim Knyaz oğlu, 08.07.1987-ci il təvəllüdlü Şirinov Ramil Arif oğlu, 12.07.1991-ci il təvəllüdlü Mahmudov Seymur Elsevər oğlu və 21.07.1998-ci il təvəllüdlü Zamanov Xəzər Azər oğlu hadisə yerində həyatını itirmişdir.[10][11]

Həmçinin Azərbaycanın Müdafiə Nazirliyi sentyabrın 18-də saat 23:50 radələrində Rusiya Sülhməramlı Kontingentinin müvəqqəti yerləşdiyi Azərbaycan ərazisində olan qeyri-qanuni erməni silahlı dəstələrinin üzvləri ordunun Ağdam rayonu istiqamətində yerləşən mövqelərini atıcı silahlardan atəşə tutduğunu bildirmişdir.[12] Məlumatda bölmələr tərəfindən qeyd olunan istiqamətdə cavab tədbirləri görüldüyü də qeyd edilmişdir.[13]

Döyüşlər

19 sentyabr

Azərbaycanın Müdafiə Nazirliyi sentyabrın 19-da saat 02:40-da Ermənistan silahlı qüvvələrinin bölmələri Krasnoselo rayonunun Cil yaşayış məntəqəsi istiqamətində yerləşən mövqelərindən Azərbaycan Ordusunun Gədəbəy rayonunun Novoivanovo yaşayış məntəqəsi istiqamətində yerləşən mövqelərini atıcı silahlardan bir neçə dəfə atəşə tutulduğunu bildirmişdir.[14] Məlumatda bölmələr tərəfindən qeyd olunan istiqamətdə cavab tədbirləri görüldüyü də qeyd edilmişdir.[15] Azərbaycanın Müdafiə Nazirliyi növbəti məlumatında isə Azərbaycanın hava sahəsindən uçuşlar yerinə yetirən sərnişin təyyarələrinin GPS naviqasiya sistemlərinə qarşı Rusiya Sülhməramlı Kontingentinin müvəqqəti yerləşdirildiyi ərazilərimizdə olan qeyri-qanuni erməni silahlı dəstələri tərəfindən növbəti dəfə radiomaneələr tətbiq edildiyi bildirilmişdir.[16] Məlumata əsasən sentyabrın 18-i Tbilisi-Bakı marşrutu üzrə uçuş yerinə yetirən "Azərbaycan Hava Yolları"nın E-190 tipli sərnişin təyyarəsinə saat 20:28-dən 20:34-ə qədər radiomaneələrin tətbiqi nəticəsində GPS naviqasiya sistemlərində fasilə yaranmışdır.[17]

Daha sonra Azərbaycanın Müdafiə Nazirliyi sentyabrın 19-u saat 11:45 radələrində Azərbaycan Ordusunun Ağdam rayonu istiqamətində yerləşən mövqelərinin Rusiya Sülhməramlı Kontingentinin müvəqqəti yerləşdiyi Azərbaycan ərazisində olan Ermənistan silahlı qüvvələrinin birləşmələri tərəfindən minaatanlardan və müxtəlif çaplı atıcı silahlardan atəşə tutulduğunu, nəticədə Azərbaycan Ordusunun 2 hərbi qulluqçunun yaralandığı bildirilmişdir.[18][19]

Saat 13:00-da isə Azərbaycanın Müdafiə Nazirliyi bəyanat yayaraq Azərbaycanın Konstitusiya quruluşunun bərpa edilməsi məqsədilə Qarabağda lantiterror tədbirlərinə başladığını bildirmişdir.[20] Bəyanatda "Azərbaycan Müdafiə Nazirliyinin dəfələrlə 10 noyabr 2020-ci ildə imzalanmış üçtərəfli bəyanatın müddəalarına zidd olaraq Azərbaycanın Qarabağ bölgəsində olan Ermənistan silahlı qüvvələrinin birləşmələrinin mövcudluğunu davam etdirməsi regional sülh üçün ciddi təhdid mənbəyi" olduğu qeyd edilmişdir.[21] Elə həmin dəqiqələrdə Müdafiə Nazirliyi növbəti məlumatında Ağdam rayonu istiqamətində yerləşən mövqelərinin artilleriya qurğularından atəşə tutlduğunu bildirmişdir.[22][23][24][25]

Döyüşlərin intensiv olduğu saatlarda Azərbaycanın Müdafiə Nazirliyi bəyanat yayaraq dinc əhalinin hədəf alınmadığını və dəqiq silahların tətbiqi ilə yalnız legitim hərbi hədəflər sıradan çıxarıldığı qeyd eləmişdir.[26][27][28][29] Həmçinin Azərbaycanın Müdafiə Nazirliyi yaşayış yerlərinin yaxınlığında atəş vasitələrinin Ermənistan silahlı qüvvələrinin birləşmələri tərəfindən yerləşdirilməsini nəzərə alaraq, ərazidə olan dinc əhalini hərbi hədəflərdən uzaq durmağa çağırmışdır.[30] Həmin gün baş brifinq zamanı Azərbaycanın Müdafiə Nazirliyinin mətbuat xidmətinin rəisi Anar Eyvazov[31] son bir neçə ayda Azərbaycan Ordusunun mövqelərinin atəşə tutulmasının gərginliyin artmasına səbəb olduğunu bildirmişdir[32] və hərbi əməliyyatlardan əvvəl Rusiya Sülhməramlı Kontingentinin Komandanlığı və Rusiya-Türkiyə Birgə Monitorinq Mərkəzinin məlumatlandırıldığını bildirmişdir.[33] Həmçinin brifinqdə hərbi əməliyyatların birinci günündə Ermənistan silahlı qüvvələrinin 60-dan çox döyüş mövqeyinin nəzarət altına alındığı[34], 90-dan çox hərbi təyinatlı avtomobil, artilleriya qurğusu, minaatan və hərbi təyinatlı digər vasitələri zərərsizləşdirildiyini bildirilmişdir.[35]

Mövqelər

Azərbaycan tərəfi

Azərbaycanın Xarici İşlər Nazirliyi sentyabrın 19-da Xocavənddə mina terroru nəticəsində dinc şəxslərin və Daxili İşlər Nazirliyinin polislərinin ölümü barədə açıqlama vermişdir. Açıqlamada "bölgədə sülhün təmin edilməsi üçün Ermənistanın və onun yaratdığı qondarma rejimin hərbi təxribatları və törətdiyi terror hadisələrini qətiyyətlə pislənməli və onların qarşısı alınmalı" olduğu qeyd edilmiş və 2020-ci ildən indiyə qədər ümumi olaraq mina qurbanlarının sayının 314 nəfərə çatdığı, onlardan 61 nəfərin həyatını itirdiyi vurğulanmışdır.[36]

Xarici İşlər Nazirliyi gün ərzində verdiyi növbəti bəyanatında "bölgədə sülh və sabitliyə nail olmağın yeganə yolunun erməni silahlı qüvvələrinin Azərbaycanın Qarabağ bölgəsindən qeyd-şərtsiz və tamamilə çıxarılması, qondarma rejimin buraxılması" olduğunu bildirmişdir.[37]

Sentyabrın 19-da axşam saatlarında Azərbaycan Prezidentinin Administrasiyası bəyanat yayaraq Azərbaycanın Qarabağ bölgəsində yaşayan erməni insanların nümayəndələri ilə Yevlaxda görüşə hazır olduğunu, antiterror tədbirlərinin dayandırılması üçün qanunsuz erməni silahlı dəstələri ağ bayraq qaldırmalı, bütün silahlar təhvil verilməli, qanunsuz rejimin isə özünü buraxmalı olduğu bildirimişdir.[38][39]

Azərbaycanın İnsan hüquqları üzrə ombudsmanı Səbinə Əliyeva sentyabrın 19-da bəyanat yayaraq "Azərbaycan tərəfinin işğaldan azad edilmiş ərazilərimizdə basdırılmış minaların düzgün xəritələrini dəfələrlə tələb etməsinə baxmayaraq, Ermənistanın bu xəritələri təhvil verməməsinin bu dövlətin günahsız insanların qətlində maraqlı olduğunu, beynəlxalq humanitar hüququn normalarına etinasız münasibətini bir daha sübut elədiyini" bildirmişdir.[40]

Azərbaycan Milli Məclisinin deputatı, parlamentin Hüquq siyasəti və dövlət quruculuğu Komitəsinin üzvü[41] Azay Quliyev hadisələri şərh edən zaman Azərbaycanın əsas hədəfiniz qanunsuz hərbi birləşmələrin Qarabağdan çıxarılması, orada yaşayan erməni əhalinin siyahıya alınması və reinteqrasiya prosesini başlamaq üçün lazımi digər addımların atılması olduğunu qeyd eləmişdir.[42] Azərbaycan Milli Məclisinin deputatlarından Səttar Möhbalıyev[43] "antiterror tədbirlərinin Azərbaycanın tam suveren haqqı" olduğunu qeyd eləmişdir[44], Aydın Mirzəzadə[45] isə "antiterror tədbirlərinin məqsədinin Qarabağda olan erməni hərbi hədəflərinin sıradan çıxarılması" olduğunu vurğulamışdır..[46]

Qərbi Azərbaycan İcması sentyabrın 19-da bəyanat yayaraq "Ermənistan iqtidarının beynəlxalq hüquqa əməl etməli, öz ordusunun qalıqlarını Azərbaycanın suveren ərazisindən çıxarmalı, qanunsuz erməni silahlı dəstələri tərsilah edilməli və xunta rejimi ləğv olunmalı." olduğunu bildirmişdir.[47]

Sentyabrın 19-da Azərbaycanda fəaliyyət göstərən 23 siyasi partiya birgə bəyanat imzalamışdır. Bəyanatda siyasi partiyaların "Azərbaycan prezidenti İlham Əliyevə Azərbaycanın ərazi bütövlüyünün təmin olunması, erməni silahlı birləşmələrinin təxribatlarının qarşısının alınması üçün aparılan siyasətə və verdiyi hərbi əmrə dəstəyi, onun ətrafında sıx birləşmələri" ifadə olunmuşdur.[48] Bəyanatı üç siyasi partiya — Azərbaycan Xalq Cəbhəsi Partiyası, Müsavat Partiyası və REAL Partiyası imzalamamışdır. Bununla belə Arif Hacılı (Müsavat Partiyası sədri) və İlqar Məmmədov (REAL Partiyası sədri) özlərinin rəsmi sosial media hesablarında hərbi əməliyyatlara dəstəyini ifadə eləmişdir. AXCP sədri Əli Kərimli isə dövlət rəhbərliyini bu antiterror əməliyyatlardan yayınmağa çağırmış və bunun Üçüncü Qarabağ müharibəsinə yol aça biləcəyini vurğulamışdır.[49]

Rusiya tərəfi

Rusiya Federasiyası Xarici İşlər Nazirliyinin rəsmisi Mariya Zaharova brifinqdə çıxış zamanı tərəfləri vəziyyətin nizama salınması üçün razılaşmaları yerinə yetirməyə və təxribata yol verməməyə çağırmışdır.[50] Mariya Zaharova həmçinin Qarabağ probleminin sülh yolu ilə həlli üzrə bütün addımların 2020-2022-ci illərdə Rusiya, Azərbaycan və Ermənistan liderlərinin qəbul etdiyi üçtərəfli bəyanatlar çərçivəsində olduğunu bildirmişdir və Rusiya tərəfinin münaqişə tərəflərini hərbi əməliyyatları dərhal dayandırmağa və siyasi nizamlanma yoluna qayıtmağa çağırmışdır.[51]

Rusiya Federasiyası Dövlət Dumasının Müdafiə Komitəsinin sədri Andrey Kartapolov "Qarabağda olan Rusiya sülhməramlı qüvvələrinin proseslərə müdaxilə etmə mandatının olub-olmaması" ilə bağlı sualına cavab olaraq "Qarabağda olan Rusiya sülhməramlılarının özləri üçün heç bir təhdid olmadığı müddətdə silahdan istifadə etmə hüquqlarının olmadığını" bildirmişdir.[52]

Digər

Türkiyə Prezidenti Rəcəb Tayyib Ərdoğan BMT Baş Assambleyasının 78-ci iclasında Azərbaycanın ərazi bütövlüyünü qoruması üçün atdığı addımlara dəstəyini ifadə eləmişdir
  • Hərbi əməliyyatların olduğu günlərdə Birləşmiş Ştatlarda BMT Baş Assambleyasının 78-ci iclası baş tutmuşdur. Sentyabrın 19-da iclasda çıxış edən Türkiyə Prezidenti Rəcəb Tayyib Ərdoğan ""Ermənistanın başda Zəngəzur dəhlizinin açılması olmaqla verdiyi sözləri yerinə yetirməsini gözləyidiyini, artıq hamının Qarabağın Azərbaycan torpağı olduğunu qəbul elədiyini, bundan başda bir statusun zorla qəbul etdirilməsi əsla qəbul olunmayacağını” bildirmişdir.[58] Bundan sonra Azərbaycan Prezidenti İlham Əliyev sosial media hesablarında "əziz qardaşıma BMT Baş Assambleyasında çıxışınız zamanı Azərbaycana verdiyi dəstəyə görə minnətdarlığımı bildirirəm" paylaşımı eləmişdir.[59]
  • Sentyabrın 19-da Türkiyə Xarici İşlər Nazirliyi rəsmi bəyanatla çıxış eləmişdir. Bəyanatda "2020-ci il Qarabağ müharibəsinin başa çatmasından ötən üç il ərzində hazırda olan vəziyyətlə əlaqədar daim ifadə etdiyi legitim və haqlı narahatlıqların aradan qaldırılmaması nəticəsində Azərbaycan suveren ərazilərində zəruri tədbirlər aparmaq məcburiyyətində qalması" qeyd olunmuşdur və "Azərbaycan ilə Ermənistan arasında bu günə qədər həssaslıqla aparılan əhatəli danışıqlar prosesinin nəticəyönümlü olması istiqamətində davamlılığının təmin edilməsinin bölgədə sülhün, rifahın və davamlı sabitliyin təsis olunması üçün yeganə yol olduğuna inam" vurğulanmışdır.[60] Həmin gün həm də xarici işlər nazirləri Ceyhun Bayramov və Hakan Fidan Birləşmiş Ştatlarda BMT Baş Assambleyasının 78-ci iclası zamanı görüşü olmuşdur.[61]
  • İran İran: Sentyabrın 19-da İranın Xarici İşlər Nazirliyi rəsmi nümayəndəsi Naser Kənani Tehranda baş tutan brifinq zamanı "İranın Qarabağı Azərbaycanın bir hissəsi olaraq tanıdığını və bu bölgənin məsələləri, o cümlədən əhalinin hüquqünun bu çərçivədə həll edilməli" olduğunu bildirmişdir. Həmçinin İranın regionda baş verən hadisələri diqqətlə izləyir və tərəfləri sülhə dəvət elədiyi vurğulanmışdır.[62]

İtgilər

Azərbaycan tərəfi

Azərbaycanın Müdafiə Nazirliyi ordunun şəxsi heyəti sırasında ölən və yaralananlar barədə rəsmi məlumat verməmişdir. Azərbaycanın dinc əhalisi arasında isə hərbi əməliyyatlar zamanı 1 nəfər həyatını itirmişdir, 1 nəfər isə yaralanmışdır.

Azərbaycan Baş Prokurorluğu sentyabrın 19-da Ermənistan silahlı qüvvələrinin birləşmələri tərəfindən Şuşa şəhərinin iri çaplı silahlardan, o cümlədən minaatanlardan atəşə tutululması nəticəsində Şuşa Şəhər Dövlət Qoruğu İdarəsinin Mənzil-Kommunal və Təmir Xidmətinin mühəndisi, 1967-ci il təvəllüdlü Fərhadov Vidadi Aydın oğlu aldığı qəlpə yarası xəsarətindən həyatını itirdiyini bildirmişdir.[63] [64] Həmin gün Baş Prokurorluq həm də Ağdam rayonunun iri çaplı silahlardan, o cümlədən minaatanlardan atəşə tutularaq törədilən terror hücumu nəticəsində ərazidə bərpa quruculuq işləri aparan ekskovator operatoru 1992-ci il təvəllüdlü Həsənov Mehman Fikrət oğlunun yaralandığını qeyd eləmişdir.[65]

Daxildə baş verənlər

Azərbaycanda

Sentyabrın 19-da Azərbaycanın Rəqəmsal İnkişaf və Nəqliyyat Nazirliyi yanında Elektron Təhlükəsizlik Xidməti (ETX) Azərbaycan ərazisində “Tik-Tok” sosial şəbəkəsinin fəaliyyətinə müvəqqəti məhdudiyyət tətbiq edildiyini bildirmişdir.[66] Daxili İşlər Nazirliyinin mətbuat xidmətinin rəisi Elşad Hacıyev sentyabrın 19-dan Daxili İşlər Nazirliyinin şəxsi heyətinin Azərbaycanın bütün ərazisində gücləndirilmiş iş rejimində fəaliyyət göstərməyə başladığını bildirmişdir.[67] Həmin gün həm də Baş Prokurorluq media nümayəndələrinə müraciət eləmişdir və “Terrorçuluğa qarşı mübarizə haqqında” Azərbaycanın Qanununa əsasən terror əleyhinə aparılan əməliyyatlar zamanı terror hadisələri barəsində ictimaiyyətə məlumatlar əməliyyat qərargahının rəhbərinin və ya əməliyyat qərargahının ictimaiyyətlə əlaqələr üzrə məsul nümayəndəsinin müəyyən etdiyi formada və həcmdə verilməli olduğunu bildirmişdir. Terror hadisələri, eləcə də terror əleyhinə əməliyyatlarla bağlı yayılması qadağan edilən məlumatın internet informasiya ehtiyatında yerləşdirilməsi inzibati xəta hesab ediləcəyi də müraciətdə vurğulanmışdır.[68]

Ermənistanda

Sentyabrın 19-da Yerevan şəhərində Rusiya Federasiyasının səfirliyi qarşısında mitinq baş tutmuşdur. Etirazçılar səfirliyin binasına daxil olmağa çalışan zaman Rusiya səfirliyini mühafizə edən polislərlə etirazçılar əlbəyaxa olmuşdur.[69] Etirazçılar Rusiya səfirliyinin binasını mühasirəyə almışdırlar. Bu hadisə ilə bağlı Rusiyanın Yerevanda olan səfirliyi Ermənistan Xarici İşlər Nazirliyinə nota göndərmişdir.[70]

İstintaq işləri

Azərbaycanın Dövlət Təhlükəsizliyi Xidməti sentyabrın 19-da Əhmədbəyli-Füzuli-Şuşa yolunun 58-ci Kilometrliyində mina partlayışı nəticəsində 2 şəxsin ölməsi ilə bağlı daxil olmuş məlumat əsasında araşdırmalar başlandığı bildirilmişdir. Məlumata əsasən DTX-nın İstintaq Baş İdarəsində Cinayət Məcəlləsinin 214.2.1, 214.2.2, 214.2.3, 120.2.1, 120.2.4, 120.2.7, 120.2.10, 120.2.11, 120.2.12, 228.3 və digər maddələri ilə cinayət işi başlanmışdır.[7][71]

Sentyabrın 19-da Şuşa şəhəri istiqamətində 1967-ci il təvəllüdlü Fərhadov Vidadi Aydın oğlunun həyatını itirməsi ilə bağlı Azərbaycan Baş Prokurorluğu tərəfindən Cinayət Məcəlləsinin 120.2.11, 120.2.12, 214.2.1, 214.2.3, 279.3-cü və digər maddələrilə cinayət işi başlanılmışdır.[72] Həmçinin həmin gün Ağdam rayonu istiqamətində bərpa quruculuq işləri aparan 1992-ci il təvəllüdlü mülki şəxs Həsənov Mehman Fikrət oğlunun yaralanması ilə bağlı da Azərbaycan Baş Prokurorluğu tərəfindən 29, 120.2.11, 29, 120.2.12, 214.2.1, 214.2.3, 279.3-cü və digər maddələrilə cinayət işi başlanmışdır.[73]

İstinadlar

  1. ↑ Prezident Kitabxanası. "Azərbaycan Prezidentinin İşlər İdarəsinin Prezident Kitabxanası // Xronoligiya – 20 YANVARA APARAN YOL" (PDF). www.files.preslib.az (az.). 2022-08-04. 2023-08-30 tarixində arxivləşdirilib (PDF). İstifadə tarixi: 02.08.2022.
  2. ↑ 1 2 3 4 5 6 Prezident Kitabxanası. "Azərbaycan Prezidentinin İşlər İdarəsinin Prezident Kitabxanası // Xronoligiya – Ermənistan-Azərbaycan münaqişəsi" (PDF). www.files.preslib.az (az.). 2022-08-04. 2023-08-30 tarixində arxivləşdirilib (PDF). İstifadə tarixi: 02.08.2022.
  3. ↑ President.az (Azərbaycan Prezidentinin rəsmi saytı). "İlham Əliyev xalqa müraciət edib". www.president.az (az.). 2022-08-04. 2023-08-30 tarixində arxivləşdirilib. İstifadə tarixi: 02.08.2022.
  4. ↑ Dövlət Sərhəd Xidməti. "Dövlət Sərhəd Xidmətinin Məlumatı". www.dsx.gov.az (az.). 2022-08-04. 2023-08-30 tarixində arxivləşdirilib. İstifadə tarixi: 02.08.2022.
  5. ↑ Azərbaycan Dövlət İnformasiya Agentliyi (AZƏRTAC). "Füzuli rayonunda ağır yol-nəqliyyat hadisəsi baş verib, 3 polis həyatını itirib". www.azertag.az (az.). 2023-09-20. İstifadə tarixi: 20.09.2023.
  6. ↑ Azərbaycan Dövlət İnformasiya Agentliyi (AZƏRTAC). "Xocavənddə avtomobil minaya düşüb, sürücü və sərnişin ölüb". www.azertag.az (az.). 2023-09-20. İstifadə tarixi: 20.09.2023.
  7. ↑ 1 2 Azərbaycan Dövlət İnformasiya Agentliyi (AZƏRTAC). "Xocavənddə baş verən partlayışla bağlı cinayət işi başlanılıb". www.azertag.az (az.). 2023-09-20. İstifadə tarixi: 20.09.2023.
  8. ↑ Azərbaycan Dövlət İnformasiya Agentliyi (AZƏRTAC). "AAYDA Xocavəndə baş verən partlayışla bağlı məlumat yayıb". www.azertag.az (az.). 2023-09-20. İstifadə tarixi: 20.09.2023.
  9. ↑ Azərbaycan Dövlət İnformasiya Agentliyi (AZƏRTAC). "Əhmədbəyli-Füzuli-Şuşa avtomobil yolunda erməni terroru - FOTO". www.azertag.az (az.). 2023-09-20. İstifadə tarixi: 20.09.2023.
  10. ↑ Azərbaycan Dövlət İnformasiya Agentliyi (AZƏRTAC). "Daxili İşlər Nazirliyinin polislərinə qarşı törədilmiş terror hadisəsi ilə bağlı cinayət işi açılıb". www.azertag.az (az.). 2023-09-20. İstifadə tarixi: 20.09.2023.
  11. ↑ Azərbaycan Dövlət İnformasiya Agentliyi (AZƏRTAC). "Xocavənddə baş verən terror hadisəsi zamanı həyatını itirən DİN polislərinin sayı 4-ə çatıb". www.azertag.az (az.). 2023-09-20. İstifadə tarixi: 20.09.2023.
  12. ↑ Azərbaycan Dövlət İnformasiya Agentliyi (AZƏRTAC). "Ordumuzun Ağdam istiqamətində mövqeləri atəşə tutulub, cavab tədbirləri görülüb". www.azertag.az (az.). 2023-09-20. İstifadə tarixi: 20.09.2023.
  13. ↑ Azərbaycanın Müdafiə Nazirliyinin rəsmi internet səhifəsi. "Ağdam istiqamətində mövqelərimiz atəşə tutulub". www.mod.gov.az (az.). 2023-09-20. İstifadə tarixi: 20.09.2023.
  14. ↑ Azərbaycan Dövlət İnformasiya Agentliyi (AZƏRTAC). "Müdafiə Nazirliyi: Gədəbəy istiqamətində mövqelərimiz atəşə tutulub - VİDEO". www.azertag.az (az.). 2023-09-20. İstifadə tarixi: 20.09.2023.
  15. ↑ Azərbaycanın Müdafiə Nazirliyinin rəsmi internet səhifəsi. "Gədəbəy istiqamətində mövqelərimiz atəşə tutulub". www.mod.gov.az (az.). 2023-09-20. İstifadə tarixi: 20.09.2023.
  16. ↑ Azərbaycan Dövlət İnformasiya Agentliyi (AZƏRTAC). "Müdafiə Nazirliy: Qanunsuz erməni silahlıları sərnişin təyyarəsinə qarşı növbəti dəfə radiomaneələr tətbiq edib VİDEO". www.azertag.az (az.). 2023-09-20. İstifadə tarixi: 20.09.2023.
  17. ↑ Azərbaycanın Müdafiə Nazirliyinin rəsmi internet səhifəsi. "Müdafiə Nazirliyinin məlumatı". www.mod.gov.az (az.). 2023-09-20. İstifadə tarixi: 20.09.2023.
  18. ↑ Azərbaycan Dövlət İnformasiya Agentliyi (AZƏRTAC). "Ermənistan silahlı qüvvələrinin birləşmələrinin təxribatı nəticəsində Azərbaycanın 2 hərbi qulluqçusu yaralanıb - VİDEO". www.azertag.az (az.). 2023-09-20. İstifadə tarixi: 20.09.2023.
  19. ↑ Azərbaycanın Müdafiə Nazirliyinin rəsmi internet səhifəsi. "Ermənistan silahlı qüvvələrinin birləşmələrinin təxribatı nəticəsində 2 hərbi qulluqçumuz yaralanıb". www.mod.gov.az (az.). 2023-09-20. İstifadə tarixi: 20.09.2023.
  20. ↑ Azərbaycan Dövlət İnformasiya Agentliyi (AZƏRTAC). "Azərbaycan Konstitusiya quruluşunun bərpa edilməsi məqsədilə Qarabağda antiterror tədbirlərinə başlayıb - VİDEO". www.azertag.az (az.). 2023-09-20. İstifadə tarixi: 20.09.2023.
  21. ↑ Azərbaycanın Müdafiə Nazirliyinin rəsmi internet səhifəsi. "Müdafiə Nazirliyinin məlumatı". www.mod.gov.az (az.). 2023-09-20. İstifadə tarixi: 20.09.2023.
  22. ↑ Azərbaycan Dövlət İnformasiya Agentliyi (AZƏRTAC). "Ermənistan silahlı qüvvələri artilleriya qurğularından mövqelərimizi atəşə tutur VİDEO". www.azertag.az (az.). 2023-09-20. İstifadə tarixi: 20.09.2023.
  23. ↑ Azərbaycanın Müdafiə Nazirliyinin rəsmi internet səhifəsi. "Ermənistan silahlı qüvvələri artilleriya qurğularından mövqelərimizi atəşə tutur". www.mod.gov.az (az.). 2023-09-20. İstifadə tarixi: 20.09.2023.
  24. ↑ Azərbaycan Dövlət İnformasiya Agentliyi (AZƏRTAC). "Azərbaycan Ordusunun mövqeləri intensiv atəşə tutulur VİDEO". www.azertag.az (az.). 2023-09-20. İstifadə tarixi: 20.09.2023.
  25. ↑ Azərbaycanın Müdafiə Nazirliyinin rəsmi internet səhifəsi. "Azərbaycan Ordusunun mövqeləri intensiv atəşə tutulur". www.mod.gov.az (az.). 2023-09-20. İstifadə tarixi: 20.09.2023.
  26. ↑ Azərbaycan Dövlət İnformasiya Agentliyi (AZƏRTAC). "Azərbaycan Müdafiə Nazirliyi: Dinc əhali hədəfə alınmır VİDEO". www.azertag.az (az.). 2023-09-20. İstifadə tarixi: 20.09.2023.
  27. ↑ Azərbaycan Dövlət İnformasiya Agentliyi (AZƏRTAC). "Müdafiə Nazirliyi: Dinc əhali hədəfə alınmır". www.azertag.az (az.). 2023-09-20. İstifadə tarixi: 20.09.2023.
  28. ↑ Azərbaycan Dövlət İnformasiya Agentliyi (AZƏRTAC). "Müdafiə Nazirliyi: Legitim hərbi hədəflər dəqiq silahlarla hədəfə alınır və sıradan çıxarılır". www.azertag.az (az.). 2023-09-20. İstifadə tarixi: 20.09.2023.
  29. ↑ Azərbaycanın Müdafiə Nazirliyinin rəsmi internet səhifəsi. "Müdafiə Nazirliyinin məlumatı". www.mod.gov.az (az.). 2023-09-20. İstifadə tarixi: 20.09.2023.
  30. ↑ Azərbaycan Dövlət İnformasiya Agentliyi (AZƏRTAC). "Azərbaycan Müdafiə Nazirliyi Qarabağın erməni əhaliyə müraciət edib". www.azertag.az (az.). 2023-09-20. İstifadə tarixi: 20.09.2023.
  31. ↑ Azərbaycan Dövlət İnformasiya Agentliyi (AZƏRTAC). "Anar Eyvazov: Ermənistan silahlı qüvvələrinin uzunmüddətli atəş nöqtələri dəqiq silahların tətbiqi ilə sıradan çıxarılır - VİDEO". www.azertag.az (az.). 2023-09-20. İstifadə tarixi: 20.09.2023.
  32. ↑ Azərbaycan Dövlət İnformasiya Agentliyi (AZƏRTAC). "Anar Eyvazov: Son bir neçə ayda Azərbaycan Ordusunun mövqelərinin atəşə tutulması gərginliyin artmasına səbəb olub". www.azertag.az (az.). 2023-09-20. İstifadə tarixi: 20.09.2023.
  33. ↑ Azərbaycan Dövlət İnformasiya Agentliyi (AZƏRTAC). "Antiterror tədbirləri barədə Rusiya Sülhməramlı Kontingentinin Komandanlığı və Türkiyə-Rusiya Birgə Monitorinq Mərkəzi məlumatlandırılıb". www.azertag.az (az.). 2023-09-20. İstifadə tarixi: 20.09.2023.
  34. ↑ Azərbaycan Dövlət İnformasiya Agentliyi (AZƏRTAC). "Müdafiə Nazirliyi Qarabağda həyata aparılan antiterror tədbirləri ilə əlaqədar növbəti brifinq baş tutub - VİDEO". www.azertag.az (az.). 2023-09-20. İstifadə tarixi: 20.09.2023.
  35. ↑ Azərbaycan Dövlət İnformasiya Agentliyi (AZƏRTAC). "Müdafiə Nazirliyi: Ermənistan silahlı qüvvələrinin 60-dan çox döyüş mövqeyi Ordumuzun nəzarətindədir". www.azertag.az (az.). 2023-09-20. İstifadə tarixi: 20.09.2023.
  36. ↑ Azərbaycan Dövlət İnformasiya Agentliyi (AZƏRTAC). "Xarici İşlər Nazirliyi: Sülhün təmini üçün Ermənistanın və onun yaratdığı qondarma rejimin törətdiyi terror hadisələrinin qarşısı alınmalıdır". www.azertag.az (az.). 2023-09-20. İstifadə tarixi: 20.09.2023.
  37. ↑ Azərbaycan Dövlət İnformasiya Agentliyi (AZƏRTAC). "Azərbaycan XİN Qarabağda olan qanunsuz erməni silahlılarının təxribatlarına qarşı cavab tədbirləri barədə bəyanat yayıb". www.azertag.az (az.). 2023-09-20. İstifadə tarixi: 20.09.2023.
  38. ↑ Azərbaycan Dövlət İnformasiya Agentliyi (AZƏRTAC). "Azərbaycan Prezidentinin Administrasiyasının açıqlaması VİDEO". www.azertag.az (az.). 2023-09-20. İstifadə tarixi: 20.09.2023.
  39. ↑ Azərbaycan Dövlət İnformasiya Agentliyi (AZƏRTAC). www.azertag.az (az.). 2023-09-20 https://azertag.az/xeber/azerbaycan_respublikasi_prezidentinin_administrasiyasinin_achiqlamasi-2754427 (#bare_url_missing_title). İstifadə tarixi: 20.09.2023.
  40. ↑ Azərbaycan Dövlət İnformasiya Agentliyi (AZƏRTAC). "Ombudsman beynəlxalq ictimaiyyəti Ermənistanın mina terroruna mövqe verməyə çağırıb". www.azertag.az (az.). 2023-09-20. İstifadə tarixi: 20.09.2023.
  41. ↑ Azərbaycanın Milli Məclisinin rəsmi internet səhifəsi. "QULİYEV Azay Əjdər oğlu". www.meclis.gov.az (az.). 2023-09-20. İstifadə tarixi: 20.09.2023.
  42. ↑ Azərbaycan Dövlət İnformasiya Agentliyi (AZƏRTAC). "Hədəfimiz qanunsuz hərbi birləşmələrin Qarabağdan çıxarılmasıdır - RƏY". www.azertag.az (az.). 2023-09-20. İstifadə tarixi: 20.09.2023.
  43. ↑ Azərbaycanın Milli Məclisinin rəsmi internet səhifəsi. "MÖHBALIYEV Səttar Suliddin oğlu". www.meclis.gov.az (az.). 2023-09-20. İstifadə tarixi: 20.09.2023.
  44. ↑ Azərbaycan Dövlət İnformasiya Agentliyi (AZƏRTAC). "Azərbaycanın apardığı antiterror tədbirləri onun tam suveren haqqıdır – Rəy". www.azertag.az (az.). 2023-09-20. İstifadə tarixi: 20.09.2023.
  45. ↑ Azərbaycanın Milli Məclisinin rəsmi internet səhifəsi. "MİRZƏZADƏ AYDIN BÖYÜKKİŞİ oğlu". www.meclis.gov.az (az.). 2023-09-20. İstifadə tarixi: 20.09.2023.
  46. ↑ Azərbaycan Dövlət İnformasiya Agentliyi (AZƏRTAC). "Aydın Mirzəzadə: Antiterror tədbirlərinin məqsədi Qarabağda olan erməni hərbi hədəflərin sıradan çıxarılmasıdır". www.azertag.az (az.). 2023-09-20. İstifadə tarixi: 20.09.2023.
  47. ↑ Azərbaycan Dövlət İnformasiya Agentliyi (AZƏRTAC). "Qərbi Azərbaycan İcması: Erməni silahlı dəstələri tərsilah edilməli və xunta rejimi ləğv olunmalıdır". www.azertag.az (az.). 2023-09-20. İstifadə tarixi: 20.09.2023.
  48. ↑ Azərbaycan Dövlət İnformasiya Agentliyi (AZƏRTAC). "Azərbaycanın apardığı antiterror tədbirlərinə siyasi partiyaların DƏSTƏK BƏYANATI". www.azertag.az (az.). 2023-09-20. İstifadə tarixi: 20.09.2023.
  49. ↑ Azerbaijan Neüs xəbər saytı. "Əli Kərimlidən başqa müxalifət liderləri antiterror əməliyyatlarını dəstəyini ifadə edib". www.anews.az (az.). 2023-09-20. İstifadə tarixi: 20.09.2023.
  50. ↑ Azərbaycan Dövlət İnformasiya Agentliyi (AZƏRTAC). "Mariya Zaxarova vəziyyətin nizama salınması üçün razılaşmaları yerinə yetirməyə və təxribata yol verməməyə çağırıb". www.azertag.az (az.). 2023-09-20. İstifadə tarixi: 20.09.2023.
  51. ↑ Azərbaycan Dövlət İnformasiya Agentliyi (AZƏRTAC). "Rusiya XİN Qarabağda vəziyyətlə bağlı narahatlığını ifadə edib". www.azertag.az (az.). 2023-09-20. İstifadə tarixi: 20.09.2023.
  52. ↑ Azərbaycan Dövlət İnformasiya Agentliyi (AZƏRTAC). "Dumanın Komitə sədri: Rusiya sülhməramlıları onlar üçün təhdid olmadığı təqdirdə silahdan istifadə edə bilməzlər". www.azertag.az (az.). 2023-09-20. İstifadə tarixi: 20.09.2023.
  53. ↑ Azərbaycanın Müdafiə Nazirliyinin rəsmi internet səhifəsi. "Azərbaycan və Türkiyənin müdafiə nazirləri arasında telefon danışığı olub". www.mod.gov.az (az.). 2023-09-20. İstifadə tarixi: 20.09.2023.
  54. ↑ Azərbaycan Dövlət İnformasiya Agentliyi (AZƏRTAC). "Azərbaycan və Türkiyənin müdafiə nazirləri arasında telefon danışığı olub". www.azertag.az (az.). 2023-09-20. İstifadə tarixi: 20.09.2023.
  55. ↑ Azərbaycan Dövlət İnformasiya Agentliyi (AZƏRTAC). "Yaşar Güler: Bu gün də Azərbaycanın yanındayıq". www.azertag.az (az.). 2023-09-20. İstifadə tarixi: 20.09.2023.
  56. ↑ Azərbaycan Dövlət İnformasiya Agentliyi (AZƏRTAC). "Azərbaycan Ordusunun Baş Qərargah rəisi ilə Türkiyə Silahlı Qüvvələrinin Baş Qərargah rəisi arasında telefon danışığı olub". www.azertag.az (az.). 2023-09-20. İstifadə tarixi: 20.09.2023.
  57. ↑ Azərbaycan Müdafiə Nazirliyinin rəsmi internet səhifəsi. "Azərbaycan Ordusunun Baş Qərargah rəisi ilə Türkiyə Silahlı Qüvvələrinin Baş Qərargah rəisi arasında telefon danışığı olub". www.mod.gov.az (az.). 2023-09-20. İstifadə tarixi: 20.09.2023.
  58. ↑ Azərbaycan Dövlət İnformasiya Agentliyi (AZƏRTAC). "Rəcəb Tayyib Ərdoğan: Azərbaycanın ərazi bütövlüyünü qoruması üçün atdığı addımları DƏSTƏKLƏYİRİK - VİDEO". www.azertag.az (az.). 2023-09-20. İstifadə tarixi: 20.09.2023.
  59. ↑ Azərbaycan Dövlət İnformasiya Agentliyi (AZƏRTAC). "Prezident İlham Əliyev Rəcəb Tayyib Ərdoğana minnətdarlığını bildirib". www.azertag.az (az.). 2023-09-20. İstifadə tarixi: 20.09.2023.
  60. ↑ Azərbaycan Dövlət İnformasiya Agentliyi (AZƏRTAC). "Türkiyə XİN Azərbaycanın apardığı antiterror tədbirləri ilə bağlı bəyanat yayıb". www.azertag.az (az.). 2023-09-20. İstifadə tarixi: 20.09.2023.
  61. ↑ Azərbaycan Dövlət İnformasiya Agentliyi (AZƏRTAC). "Azərbaycanın və Türkiyənin XİN başçıları bölgədə olan son vəziyyəti danışıblar". www.azertag.az (az.). 2023-09-20. İstifadə tarixi: 20.09.2023.
  62. ↑ Azərbaycan Dövlət İnformasiya Agentliyi (AZƏRTAC). "İran XİN: İran Qarabağı Azərbaycanın bir hissəsi hesab edir və məsələlər bu çərçivədə həll olunmalıdır". www.azertag.az (az.). 2023-09-20. İstifadə tarixi: 20.09.2023.
  63. ↑ Azərbaycan Dövlət İnformasiya Agentliyi (AZƏRTAC). "Erməni silahlılarının atəşi nəticəsində Şuşada mühəndis aldığı qəlpə yarasından ölüb". www.azertag.az (az.). 2023-09-20. İstifadə tarixi: 20.09.2023.
  64. ↑ Report İnformasiya Agentliyi. "Ermənilər Şuşanı atəşə tutub, Dövlət Qoruğu İdarəsinin mühəndisi həyatını itirib". www.report.az (az.). 2023-09-20. İstifadə tarixi: 20.09.2023.
  65. ↑ Report İnformasiya Agentliyi. "Erməni silahlı qüvvələri Ağdamda dinc insanıöldürməyə cəhd edib". www.report.az (az.). 2023-09-20. İstifadə tarixi: 20.09.2023.
  66. ↑ Azərbaycan Dövlət İnformasiya Agentliyi (AZƏRTAC). "Azərbaycan ərazisində "TİK-TOK" sosial mediasının fəaliyyətinə müvəqqəti məhdudiyyət tətbiq edilib". www.azertag.az (az.). 2023-09-20. İstifadə tarixi: 20.09.2023.
  67. ↑ Azərbaycan Dövlət İnformasiya Agentliyi (AZƏRTAC). "DİN-in şəxsi heyəti Azərbaycanın bütün ərazisində gücləndirilmiş iş rejimində fəaliyyət göstərir". www.azertag.az (az.). 2023-09-20. İstifadə tarixi: 20.09.2023.
  68. ↑ Azərbaycan Dövlət İnformasiya Agentliyi (AZƏRTAC). "Baş Prokurorluq media nümayəndələri və sosial media istifadəçilərinə müraciət edib". www.azertag.az (az.). 2023-09-20. İstifadə tarixi: 20.09.2023.
  69. ↑ Azərbaycan Dövlət İnformasiya Agentliyi (AZƏRTAC). "Yerevanda etirazçılar Rusiya səfirliyinə daxil olmağa cəhd edir". www.azertag.az (az.). 2023-09-20. İstifadə tarixi: 20.09.2023.
  70. ↑ Azərbaycan Dövlət İnformasiya Agentliyi (AZƏRTAC). "Rusiyanın İrəvanda səfirliyi Ermənistan XİN-ə nota göndərib". www.azertag.az (az.). 2023-09-20. İstifadə tarixi: 20.09.2023.
  71. ↑ Azərbaycan Dövlət İnformasiya Agentliyi (AZƏRTAC). "DTX: Erməni silahlı birləşmələrinin törətdiyi cinayət işi üzrə birgə istintaq-əməliyyat tədbirləri aparılır - VİDEO". www.azertag.az (az.). 2023-09-20. İstifadə tarixi: 20.09.2023.
  72. ↑ Azəri Press Agentliyi. "Ermənistan silahlı qüvvələrinin terror hücumu nəticəsində Şuşa Dövlət Qoruğu İdarəsinin mühəndisi ölüb". www.apa.az (az.). 2023-09-20. İstifadə tarixi: 20.09.2023.
  73. ↑ Qafqazinfo.az xəbər portalı. "Erməni silahlı qüvvələri Ağdamda dinc insanıöldürməyə cəhd edib". www.qafqazinfo.az (az.). 2023-09-20. İstifadə tarixi: 20.09.2023.
Mənbə — "https://az.wikipedia.org/w/index.php?title=Qarabağda_döyüşlər_(2023)&oldid=7241607"