Şirvan (Azərbaycan)

Əli Bayramlı şəhəri

Əli Bayramlı, Azərbaycanda şəhər.

Ərazisi - 30 km2 Əhalisinin sayı - 70125 İnzibati mərkəzi - Əli-Bayram

Təpədən-dımağacan müasir bir şəhər olan Əli-Bayramlı Dəli Kürün yaxasında qızıl suyuna çəkilmiş düymədi. Azərbaycanda Əli-Bayramlı işıq adası, nur şəhəri sayılır. Küçələrin genişliyi, səkilər boyunca sıralanan ağaclar bu aran şəhərinin istisini azaldır. Şəhər ətrafından tapılmış arxeoloji nümunələr isə bu yerlərdə yaşayışın mövcudluğu haqqında fikirləri insanlığın ilkin çağlarına qədər apırıb çıxarır...

Coğrafi mövqeyi

Əli Bayramlı Kür çayının sol sahilində, Şirvan düzündə, nəqliyyat qovşağında yerləşir və ölkəmizin iri şəhərlərindən sayılır. Hacıqəhrəmanlı və Muğan qəsəbələri Əli Bayramlı şəhərinə daxildir.

İqtisadi xarakteristikası

Şəhərdə 17 sənaye müəssisəsi, î cümlədən, Avropada ən böyük açıq tipli Əli Bayramlı DRES-i, yağ zavodu, dəmir-beton məmulatları, saxsı boru, süni dəri zavodları və neft-qaz hasil edən müəssisələr fəaliyyət göstərir.

İncəsnət

Əli Bayramlı şəhərinin musiqi məktəbi indiyə qədər ölkədə musiqi kadrlarının yetişdirilməsində, uşaq və gənclərin musiqi tərbiyəsində, insanlara mədəni xidmət göstərilməsində çox dəyərli işlər görtmüşdür. Nəzərə alaq ki, professional musiqi təhsilinin ilk pilləsi məhz uşaq musiqi məktəbindən başlayır və mövcud musiqi təhsili sistemində həmin ilk pillə olmadan, ali pillələrə də çatmaq qeyri-mümkündür. Bu baxımdan Əli Bayramlı uşaq musiqi məktəbi 40 illik fəaliyyəti ərzində yalnız şəhərin deyil, ümumən respublikanın musiqi-mədəni tərəqqisinə xidmət etmişdir və məktəbin hər cür tərifə mənəvi haqqı çatır.