İlham Əliyev

İlham Əliyev
Azərbaycan Respublikasının Prezidenti
Vəzifədədir
31 oktyabr 2003-cü ildən
Əvvəlki	Heydər Əliyev
Azərbaycan Respublikasının Baş naziri
4 avqust 2003 – 31 oktyabr 2003
Əvvəlki	Artur Rasizadə
Sonrakı	Artur Rasizadə
Avropa Şurası Parlament Assambleyasının nümayəndəsi[d]
22 yanvar 2001 – 26 yanvar 2004
Şəxsi məlumatlar
Doğum tarixi	24 dekabr 1961 (1961-12-24)
Doğum yeri	Bakı, Azərbaycan SSR
Partiya	Yeni Azərbaycan Partiyası
Təhsili	Moskva Dövlət Beynəlxalq Münasibətlər İnstitutu
Fəaliyyəti	siyasətçi
Atası	Heydər Əliyev
Anası	Zərifə Əliyeva
Həyat yoldaşı	Mehriban Əliyeva
Uşaqları	Leyla Əliyeva, Arzu Əliyeva, Heydər Əliyev
Ailəsi	Əliyevlər
Dini	İslam
Hərbi xidmət
Döyüşlər	Qarabağ münaqişəsi, Aprel döyüşləri, İkinci Qarabağ müharibəsi, Qarabağda döyüşlər
Elmi fəaliyyəti
Elmi dərəcəsi	siyasi elmlər doktoru[d], tarix üzrə fəlsəfə doktoru[d]
Təltifləri	|
Prezident.Az
Vikianbarda əlaqəli mediafayllar

İlham Əliyev (tam adı: İlham Heydər oğlu Əliyev; 24 dekabr 1961, Bakı, Azərbaycan SSR, SSRİ) — Azərbaycan Respublikasının Prezidenti (2003 — hal-hazıradək).

Həyatı

İlham Əliyev 1961-ci il dekabrın 24-də Bakı şəhərində anadan olmuşdur. 1967-1977-ci illərdə Bakı şəhərindəki 6 saylı orta məktəbdə təhsil almışdır. 1977-ci ildə Moskva Dövlət Beynəlxalq Münasibətlər İnstitutuna (MDBMİ) daxil olmuşdur.

MDBƏİ-ni bitirdikdən sonra institutun aspiranturasına qəbul edilmiş, 1985-ci ildə dissertasiya müdafiə edərək tarix elmləri namizədi elmi dərəcəsi almışdır.

1985-1990-cı illərdə Moskva Dövlət Beynəlxalq Münasibətlər İnstitutunda müəllim işləmişdir.

1991-1994-cü illərdə özəl biznez sahəsində çalışmışdır. Bir sıra istehsal-kommersiya müəssisələrinə rəhbərlik etmişdir.

1994-cü ildən 2003-cü ilin avqust ayınadək Azərbaycan Respublikası Dövlət Neft Şirkətinin vitse-prezidenti, birinci vitse-prezidenti olmuşdur. Heydər Əliyevin neft strategiyasının həyata keçirilməsində fəal iştirak etmişdir.

Suveren Azərbaycanın neft siyasətinin geosiyasi aspektlərinə dair bir sıra tədqiqat işlərinin müəllifidir. Siyasi elmlər doktorudur.

1995-ci və 2000-ci illərdə Azərbaycan Respublikası Milli Məclisinə deputat seçilmişdir. 2003-cü ildə Azərbaycan Respublikasının Baş naziri vəzifəsinə təyin edilməsi ilə əlaqədar olaraq deputat səlahiyyətlərinə xitam vermişdir.

1997-ci ildən Azərbaycan Milli Olimpiya Komitəsinin Prezidentidir. İdmanın və Olimpiya hərəkatının inkişafında böyük xidmətlərinə görə Beynəlxalq Olimpiya Komitəsinin ali ordeni ilə təltif edilmişdir.

1999-cü ildə Yeni Azərbaycan Partiyası sədrinin müavini, 2001-ci ildə sədrin birinci müavini, 2005-ci ildə isə partiyanın sədri seçilmişdir.

2001-2003-cü illərdə Avropa Şurası Parlament Assambleyasında (AŞPA) Azərbaycan Respublikası Milli Məclisinin nümayəndə heyətinin rəhbəri olmuşdur.

Fayl:Prezident İlham Əliyev və Barrozu.jpg

Azərbaycan Respublikasının Prezidenti İlham Əliyev və Avropa Komissiyasının sədri Xose Manuel Barrozu

2003-cü ilin yanvarında Avropa Şurası Parlament Assambleyası sədrinin müavini, AŞPA-nın Büro üzvü seçilmişdir.

2004-cü ilin aprelində AŞPA-nın fəaliyyətində fəal iştirakına və Avropa ideallarına sədaqətinə görə AŞPA-nın fəxri üzvü diplomu və AŞPA medalı ilə təltif edilmişdir.

2003-cü il avqustun 4-də Milli Məclis tərəfindən təsdiq edildikdən sonra Azərbaycan Respublikasının Baş naziri təyin edilmişdir.

2003-cü il 15 oktyabrda Azərbaycan Republikasının Prezidenti seçilmişdir. Prezident seçkilərində seçicilərin 76%-dən çoxu İlham Əliyevin lehinə səs vermişdir. 2003-cü il oktyabrın 31-də vəzifəsinin icrasına başlamışdır.

2008-ci ildə yenidən prezident seçilmişdir və hazırda prezident vəzifəsini icra edir.

Rus, ingilis, fransız və türk sərbəst dillərini bilir.

Ailəlidir. Üç övladı, 2 nəvəsi vardır.

Mükafatları

• Heydər Əliyev ordeni;
• Beynəlxalq münasibətlər və sülh naminə İhsan Doğramacı mükafatı (Türkiyə);
• Kral Əbdüləziz Ordeni (Səudiyyə Ərəbistanı Krallığı);
• Şərəf Ordeni (Gürcüstan);
• "Mübarək əl-Kəbir" ordeni (Küveyt Dövləti);
• Şeyxülislam Ordeni (Azərbaycan Respublikası);
• Yunanıstan parlamentinin Qızıl medalı (Yunanıstan);
• Rusiya Pravoslav Kilsəsinin "Prepodobnıy Serqiy Radonejskiy" birinci dərəcəli Ordeni;
• "Böyük Kordon" Şərəf Ordeni (Beynəlxalq Hərbi-İdman Şurası);
• MDB ölkələrin İdman Təşkilatlarının Beynəlxalq Konfederasiyasının "Şərəf Ordeni";
• FİLA-nın Şərəf Zalının ən yüksək “İdman Əfsanəsi” ordeni;
• Avropa Ədalətli Oyunlar Hərəkatının "Şərəf" nişanı;
• "Üç ulduz" ordeninin "Böyük xaç kavaleri" dərəcəsi.
• "İlin adamı" - 2010-cu ilin noyabr ayında Buxarest şəhərində Rumıniyanın "Balcanii şi Europa" ("Balkanlar və Avropa") jurnalı tərəfindən təqdim edilib..

Fəxri doktoru olduğu universitetlər

• Bakı Dövlət Universitetinin Fəxri doktoru (Azərbaycan);
• Linkoln Universitetinin Fəxri Doktoru (ABŞ);
• Moskva Dövlət Beynəlxalq Münasibətlər Universitetinin Fəxri Doktoru;
• L.N.Qumilyov – Avrasiya Milli Universitetin Professoru (Qazaxıstan);
• Bilkənt Universitetinin Fəxri Doktoru (Türkiyə);
• Vergilər üzrə Milli Akademiyanın Fəxri Doktoru (Ukrayna);
• Ploesti Neft və Qaz Universitetinin Fəxri Doktoru (Rumıniya);
• Milli və Dünya İqtisadiyyatı Universitetinin Fəxri Professoru (Bolqarıstan);
• Kyung Hee Universitetinin Fəxri Doktoru (Cənubi Koreya);
• İordaniya Universitetinin Fəxri Doktoru (İordaniya);
• Korvinus Universitetinin ictimai elmlər üzrə Fəxri doktoru (Macarıstan);
• M.V.Lomonosov adına Moskva Dövlət Universitetinin Fəxri professoru (Rusiya Federasiyası);
• Taras Şevçenko adına Kiyev Milli Universitetinin Fəxri doktoru (Ukrayna);
• Məxdumqulu adına Türkmənistan Dövlət Universitetinin Fəxri professoru (Türkmənistan Respublikası);
• Belarus Dövlət Universitetinin Fəxri professoru (Belarus Respublikası).

Xarici keçidlər

• Respublikası Prezidentinin rəsmi saytı
• Azərbaycan Prezidentinin rəsmi YouTube videokanalı
• İlhamla irəli
• İlham Əliyev
• AZƏRBAYCAN PREZİDENTLƏRİ

Şəkilləri

• 
• 
• 
• 
• 
• 
• 
•