Hacı Qəhrəmanlı

Vikipediya, açıq ensiklopediya
Jump to navigation Jump to search
Şəhər tipli qəsəbə
Hacı Qəhrəmanlı
Hacıqəhrəmanlı qəsəbəsi.jpeg
Gerb
Gerb

39°52′45″ şm. e. 48°55′37″ ş. u.


Ölkə
Tarixi və coğrafiyası
Sahəsi
  • 895,12 ha
Saat qurşağı UTC+04:00
Əhalisi
Əhalisi
Rəsmi dili azərbaycanca
Xəritəni göstər/gizlə
Hacı Qəhrəmanlı xəritədə
Hacı Qəhrəmanlı
Hacı Qəhrəmanlı

Hacı QəhrəmanlıŞirvan şəhərində şəhər tipli qəsəbə. Yaşayış məntəqəsini 1870-ci ildə burada oturaqlaşmış hacıqəhrəmanlı nəsli saldığına görə belə adlandırılmışdır.[1]

Haqqında[redaktə | əsas redaktə]

Hacı Qəhrəmanlı qəsəbəsi Kür çayının Şirvan şəhəri sahilində düzən sahədə yerləşir. Qəsəbədə yaşlı sakinlərin dediyinə görə Qəhrəman kişi ötən əsrin əvvələrində öz qohum-əqrəbaları ilə birlikdə Şamaxıdan köçmüş, burada məskən salmışlar.Qəhrəman kişi Məkkə ziyarətinə gedib qayıdıb. O vaxtdan qəsəbə onun şərəfinə “Hacı Qəhrəmanlı” adlandırılıb. 1950-ci illərə qədər qəsəbədə 30-40 ev olub. 1950-1970-ci illər arasında ərazi cəhətdən SalyanSabirabad rayonlarının tərkibinə daxil olub. 1970-ci ildən Əli Bayramlı şəhərinə verilib. 1975-ci ildə Əli Bayramlı şəhərinin tərkibində qəsəbə statusu verilib. Hacı Qəhrəmanlı qəsəbəsi şimal tərəfdən Şirvan şəhəri, cənubdan Salyan rayonu, şərqdən təpəlik, qərbdən Kür çayı ilə əhatə olunmuşdur. Aran zonasıdır. Qəsəbənin coğrafi mövqeyi əlverişlidir. Qəsəbə Şirvan-Salyan yolunun kənarında yerləşir. Ərazisində respublika tabeliyində olan “Şirvan” İES və “Şirvan” OYL müəssisələri yerləşir. Hazırda qəsəbə ərazisində 507 təsərrüfat var. Qəsəbənin əhalisi 2123 nəfərdir. Onlardan 1327 nəfəri əmək qabiliyyətli yaşdadır. Qəsəbə əhalisinin 314 nəfəri işləyir. Əhalinin işləməyən hissəsi əsasən şəxsi təsərrüfatlarında çalışır. Qəsəbənin hüdudları daxilində torpaqlar 895,12 hektardır. Bundan: - dövlət mükiyyətində 638,31 ha - xüsusi mülkiyyətdə 42,53 ha - bələdiyyə mülkiyyətində 214,28 ha-dir Qəsəbənin hüdudları daxilində torpaqlar 895,12 hektardır[2].

Əhalinin məşğuliyyəti[redaktə | əsas redaktə]

Əhalinin məşğuliyyətini əsasən əkinçilik,heyvandarlıq,quşçuluq təşkil edir.

Məntəqələri[redaktə | əsas redaktə]

Qəsəbədə 1 Bələdiyyə, 630 şagird yeri olan 1 orta məktəb, 1 kitabxana, 1 klub, 1 maşınlar üçün yuyucu sexi, 1 həkim məntəqəsi, 1 EATS, 1 maye qaz doldurma məntəqəsi, 1 baytarlıq məntəqəsi fəaliyyət göstərir. Qəbristanlığı, məscidi var. Şəhərlə qəsəbə arasında 4 ədəd mikroavtobus işləyir.Əhaliyə 4 sayli poçt şöbəsi xidmət göstərir.Bu poçt xidmətindən qonşu kəndlərdə istifadə edir. Hazırda qəsəbədə 156№-li Elektron stansiya fəaliyyət göstərir. Qəsəbədə xidmət göstərən həkim məntəqəsi Bələdiyyənin otağında yerləşir. Bir otaqda da diş məntəqəsi yerləşir. 2013-cü ildə baytarlıq məntəqəsi də tikilib istifadəyə verilib. Qəsəbədə mədəni-maarif sahəsində işlər görülür. Əhaliyə 1 kulub, 1 kitabxana xidmət edir[3].

Rabitə[redaktə | əsas redaktə]

Şirvan şəhərinin Hacı Qəhrəmanlı qəsəbəsində 2003-cü ildə 128 nömrəlik “Karel” tipli EATS quraşdırılmışdır. 2004-cü ildə Hacı Qəhrəmanlı qəsəbəsində 128 nömrəlik “Karel” tipli EATS çıxarılaraq əvəzinə 256 nömrəlik DRX-4 tipli EATS quraşdırılmışdır. 2011-ci ildə Hacı Qəhrəmanlı qəsəbəsi ilə mərkəzi ATS arasında köhnə analoq tipli kabel çıxarılmış 10 km uzunluğunda fiber-optik kabeli qoyulmuş və bununla da Hacı Qəhrəmanlı qəsəbəsi yüksək keyfiyyətli rəqəmsal xidmətlə təmin olunmuşdur. Artıq Hacı Qəhrəmanlı qəsəbəsi yüksək sürətli ADSL genişzolaqlı internet xidməti ilə təmin edilmişdir[4].

İstinadlar[redaktə | əsas redaktə]

  1. Hacı Qəhrəmanlı // Azərbaycan toponimlərinin ensiklopedik lüğəti. — Bakı: "Şərq-Qərb", 2007. — I cild. — Səhifələrin sayı: 304. — ISBN 978-9952-34-155-3.
  2. http://www.shirvan-ih.gov.az/page/47.html
  3. http://www.shirvan-ih.gov.az/page/47.html
  4. Poçt və Rabitə: Şirvan şəhər Telekommunikasiya qovşağı. shirvan-ih.gov.az saytı

Həmçinin bax[redaktə | əsas redaktə]

Şirvan şəhəri