Erməni helikopterinin vurulması (2014)

Vikipediya, azad ensiklopediya
Jump to navigation Jump to search
Erməni helikopterinin vurulması (2014)
Armenian helicopter shot down.jpg

Ermənistan Respublikasına məxsus Mi-24 tipli helikopterin vurulma anı

Xülasə
Tarix: 12 noyabr 2014
Qəza növü  Azərbaycan Silahlı Qüvvələri tərəfindən vurulub
Bölgə Kəngərli kəndi yaxınlığında, Ağdam rayonu, Azərbaycan
Komanda 3
Ölənlərin sayı 3
Vertolyot
Vertolyot modeli Mil Mi-24
Havayolu firması

Erməni helikopterinin vurulması12 noyabr 2014-cü il 13:45 radələrində Ağdam rayonunun Kəngərli kəndi yaxınlığında Azərbaycan Silahlı QüvvələriErmənistan Silahlı Qüvvələri arasında baş vermiş hadisə.

Hadisə[redaktə | əsas redaktə]

Vurulan Mi-24 döyüş vertolyotunun modeli

Silahlı insident 12 noyabr 2014-cü ildə Ağdamın Kəngərli kəndi yaxınlığında baş verib. Beləki, qondarma Dağlıq Qarabağ Respublikasına, daha dəqiq desək, Ermənistan Silahlı Qüvvələrinə məxsus 2 ədəd Mi-24 tipli döyüş vertolyotu qəflətən öz səmtini dəyişərək Azərbaycan Silahlı Qüvvələrinin təmas xəttinə doğru döyüş kursuna çıxıb və mövqeləri atəşə tutmağa cəhd ediblər. Nəticədə Azərbaycan Silahlı Qüvvələrində müddətdən artıq hərbi xidmət keçən manqa komadiri İlkin Muradov helikopterlərdən birini İQLA daşınan zenit-raket kompleksi vasitəsi ilə məhv edib. Digər helikopter isə hadisə yerindən uzaqlaşıb. Hadisə nəticəsində Ermənistan Silahlı qüvvələrində xidmət keçən üç nəfər pilot həlak olub. Azərbaycan Respublikasının işğal olunmuş ərazilərində döyüş uçuşları keçirərkən məhv edilən hərbi helikopter Ermənistan Silahlı Qüvvələrinin İrəvan yaxınlığındakı "Erebuni" hərbi aerodurumunda dislokasiya olunan 15-ci helikopter bazasına məxsusdur[1].

Erməni tərəfinin iddiasına görə, noyabrın 12-də erməni hərbi vertolyotunun düşdüyü yerdə 8 saatdan artıq intensiv döyüş davam edib və ermənilər vertolyotun düşdüyü yerə yaxınlaşa və üç pilotun cəsədini çıxara bilməyiblər. Azərbaycan Müdafiə Nazirliyinin mətbuat xidmətinin rəhbəri polkovnik Vaqif Dərgahlı isə öz növbəsində bu iddianı inkar edərək bildirib ki, "erməni hərbi vertolyotunun vurulduğu ərazidə və qoşunların təmas xəttinin digər istiqamətlərində intensiv döyüşlər getmir", "həmişəki kimi, atəşkəs pozulur". Ermənilər ümid edirdi ki, vurulmuş helikopterin ekipaj üzvlərindən birinin sağ qalması mümkün ola bilər.[2] Azərbaycan Müdafiə Nazirliyinin mətbuat xidmətinin məlumatına görə, vertolyot Ağdam rayonunun Kəngərli kəndindən 1700 metr şimal-şərqdə vurulub və Ağdam rayonunun Çəmənli kəndi yaxınlığında, Azərbaycan mövqelərindən 500 metr aralıda Azərbaycan hərbçilərinin nəzarətində olan ərazidə düşüb, hadisə yerinə Azərbaycan Silahlı Qüvvələrinin texnika və şəxsi heyəti göndərilib.

Reaksiyalar[redaktə | əsas redaktə]

Populyar mədəniyyətdə[redaktə | əsas redaktə]

Əsgərlərin "Vur, komandir vur!" deməsi sosial mediada və KIV-lərdə "partlayış" edib.[4][5] Bəzi sosial media istifadəçiləri Facebook və Twitter şəbəkələrində əsgərlərin cümləsini #VurKomandirVur heşteqilə şərh ediblər.[6] 2015-ci ildə Bakıda "Vətənin müdafiəsinə hazıram!" mövzusuna aid sərgidə "Vur, komandir, vur" əsəri diqqət çəkən rəsmlərdən biri olmuşdur.[7]

Həmçinin bax[redaktə | əsas redaktə]

İstinadlar[redaktə | əsas redaktə]

Xarici keçidlər[redaktə | əsas redaktə]

Ağdamda Ermənistan helikopterinin vurulma anıYouTube