Bəylər Ağayev

Bəylər Ağayev
Bəylər Tapdıq oğlu Ağayev
Şəxsi məlumatlar
Doğum tarixi	3 fevral 1969
Doğum yeri	Qaraağac, Qubadlı rayonu, Azərbaycan SSR
Vəfat tarixi	6 avqust 1992 (23 yaşında)
Vəfat yeri	Laçın rayonu, Azərbaycan Respublikası
Vəfat səbəbi	Şəhid
Dəfn yeri	Qaraağac, Qubadlı rayonu, Azərbaycan Respublikası
Vətəndaşlığı	SSRİ→ Azərbaycan
Hərbi fəaliyyəti
Mənsubiyyəti	A.R. Silahlı Qüvvələri
Qoşun növü	Quru qoşunları
Rütbəsi	Əsgər
Döyüşlər	Qarabağ müharibəsi
Təltifləri

Bəylər Ağayev — Azərbaycanın Milli Qəhrəmanı; Qarabağ müharibəsi şəhidi.

Həyatı

Bəylər Ağayev 3 fevral 1969-cu il Qubadlı rayonunun Qaraağac kəndində doğulmuşdur. O hərbi xidmətini Almaniya Demokratik Respublikasında başa çatdıraraq doğma kəndlərinə qayıtmışdır. 1990-ci ildə Azərbaycan Dövlət İnşaat Mühəndisləri İnstitutuna daxil olur. 1992-ci ildə təhsilini yarımçıq qoyan Bəylər könüllü olaraq Milli Ordu sıralarına yazılır.

Döyüşlərdə iştirakı

Bəylər Ağayevin yüksək bacarığı ilk günlərdən diqqəti cəlb edir və o bölmə komandiri təyin edilir. Bəylər Ağayev Laçın rayonu uğrunda gedən döyüşlərdə fəal iştirak edir. O, Səfiyan, Yuxarı Fərəcan və Aşağı Fərəcan, Mazutlu, Türklər və Suarası kəndlərində düşmənin xeyli canlı qüvvəsini və hərbi texnikasını məhv etmişdir.

1992-ci il... Avqustun 6-sı... Erməni irqçi vəhşilərinin növbəti hücumu. Bəylər yoldaşları ilə mühasirəyə düşür. Məğrur komandirimiz üzünÜ yoldaşlarına tutub son olaraq bu sözləri söyləyir: "Biz vətən uğrunda ölümə gedirik, ola bilsin bu döyüş son döyüşümüz olsun" və hücuma keçirlər onlar erməni faşistlərinin xeyli hissəsini məhv etsələr də özləri ən uca zirvə - şəhidlik zirvəsinə ucalırlar.

Ailəsi

Subay idi.

Milli Qəhrəman

Azərbaycan respublikası prezidentinin 7 dekabr 1992-ci il tarixli 350 saylı fərmanı ilə Bəylər Tapdıq oğlu Ağayevə ölümundən sonra "Azərbaycanın Milli Qəhrəmanı" adı verilmişdir. Qaraağac kənd tam orta məktəbi onun adını daşıyır.

Qubadlı rayonunun Qaraağac kəndində dəfn edilmişdir, bu kənd hazırda erməni isğalı altındadır.

Ədəbiyyat

• Ağayev Bəylər Tapdıq oğlu: (1969-1992) //Qubadlının Milli Qəhrəmanları: (Plakat).- B.: İşıq, 1993.
• Əsgərov V. Ağayev Bəylər Tapdıq oğlu //Əsgərov V. Azərbaycanın Milli Qəhrəmanları.- B., 2005.- S.13.
• Vüqar Əsgərov. "Azərbaycanın Milli Qəhrəmanları" (Yenidən işlənmiş II nəşr). Bakı: "Dərələyəz-M", 2010, səh. 21-22.

Xarici keçidlər

• Ağayev Bəylər
• Bəylər Ağayev

Həmçinin bax

• Qarabağ müharibəsi
• Erməni terrorizmi