Samir Zülfüqarov
| Samir Zülfüqarov | |
|---|---|
 | |
| Doğum tarixi | 3 iyul 1976 |
| Doğum yeri | Ağbaş kəndi, Şabran rayonu |
| Vəfat tarixi | 17 mart 1995 (18 yaşında) |
| Vəfat yeri | Bakı şəhəri |
| Vəfat səbəbi | şəhid olmuşdur. |
| Dəfn yeri | |
| Vətəndaşlığı | |
| Atası | Xəlil |
| Mükafatları |
 |
Samir Xəlil oğlu Zülfüqarov (3 iyul 1976, Ağbaş, Dəvəçi rayonu – 17 mart 1995, Bakı) — Azərbaycanın Milli Qəhrəmanı, Mart hadisələri zamanı dövlətçiliyimiz, suverenliyimiz uğrunda şəhidlik zirvəsini fəth etmiş fateh.
Həyatı[redaktə | əsas redaktə]
Samir Zülfüqarov 3 iyul 1976-cı ildə Şabran rayonunda anadan olmuşdur. Səkkizinci sinfə qədər burada təhsil alan Samir, ailə vəziyyətləri ağır olduğu üçün təhsilini yarımçıq qoyaraq işləmiş, ailələrinə dayaq olmuşdu. 1994-cü il Şabran rayonundan hərbi xidmətə çağırılır. Samir qısa müddətə "N" saylı hərbi hissədə silahların çoxundan istifadə etməyi öyrənmişdi. Nizam intizamı, ciddiliyi ona böyük hörmət qazandırmışdı. Komadirləri bütün bunları nəzərə alaraq Samirə qısa müddətli məzuniyyət verdilər. 1995-ci il mart hadisəsi xəbərini eşidən cəsur əsgər döyüşçü dostlarının yanına qayıtdı. Milli Ordu silahlı dəstəni zərərsizləşdirərkən Samir də əməliyyatda iştirak edirdi. O, ömrünün ən gözəl bir zamanında, dövlətçiliyimiz, suverenliyimiz uğrunda gənc ömrünü qurban verdi. 17 mart 1995-ci il Samir əbədiyyətə qovuşdu.
Ailəsi[redaktə | əsas redaktə]
Subay idi.
Milli Qəhrəman[redaktə | əsas redaktə]
Azərbaycan Respublikası prezidentinin 4 aprel 1995-ci il tarixli 307 saylı fərmanı ilə Zülfüqarov Samir Xəlil oğluna ölümündən sonra "Azərbaycanın Milli Qəhrəmanı" adı verilmişdi.
Şabran rayonunun Ağbaş kəndində dəfn edilib.
Şabran rayonu 3 saylı orta məktəb onun adını daşıyır.
Həmçinin bax[redaktə | əsas redaktə]
İstinadlar[redaktə | əsas redaktə]
Mənbə[redaktə | əsas redaktə]
- Vüqar Əsgərov. "Azərbaycanın Milli Qəhrəmanları" (Yenidən işlənmiş II nəşr). Bakı: "Dərələyəz-M", 2010, səh. 281.
