Rövşən Rzayev (milli qəhrəman)
| RÖVŞƏN RZAYEV | |
|---|---|
 | |
| Doğum tarixi | 15 oktyabr 1969. |
| Doğum yeri | Sahil qəsəbəsi, Bakı şəhəri, Azərbaycan Respublikası |
| Vəfat tarixi | 8 yanvar 1999 (29 yaşında) |
| Vəfat yeri | Qobustan (Qaradağ), Azərbaycan Respublikası |
| Vəfat səbəbi | şəhid olmuşdur. |
| Dəfn yeri | Sahil qəsəbəsi, Bakı şəhəri, Azərbaycan Respublikası |
| Fəaliyyəti | hərbi qulluqçu |
| Mükafatları |
 |
Rövşən Rzayev — Azərbaycanın Milli Qəhrəmanı, öz xidməti vəzifəsini yerinə yetirən zaman həlak olub.[1]
Mündəricat
Həyatı[redaktə | əsas redaktə]
15 oktyabr 1969-cu ildə Bakı şəhərinin Sahil qəsəbəsində doğulmuşdur. 1986-cı ildə buradakı 253 saylı orta məktəbi bitirərək Vladiqafqaz Ali Hərbi Komandirlər Məktəbinə daxil olmuşdur. 1992-ci ildə Milli Orduya yazılan Rövşən tez-tez cəbhəyə getməyə başladı.[1]
Döyüşlərdə iştirakı[redaktə | əsas redaktə]
O, "N" saylı bölüyün "N" saylı alayına komandir təyin edilmişdi. Rövşən Ağdamın Pircamal, Aranzəmin, Şelli, Naxçıvanlı, Papravənd kəndlərində ermənilərin xeyli canlı qüvvəsini məhv etmişdi. 1992-ci ildə Naxçıvanlı kəndində gedən döyüş zamanı ağır yara almasına baxmayaraq döyüşçü dostlarını tək qoymur, hətta neçə-neçə yaralı əsgəri də xilas etmişdi.[2]
Müharibədən alnı açıq çıxan Rövşən müxtəlif vaxtlarda müxtəlif hərbi hissələrə komandirlik etmişdi. Son vaxtlarda isə Qobustan həbsxanasında mühafizə bölüyünün komandiri vəzifəsində çalışırdı. 8 yanvar 1999-cu il Qobustan təcridxanasında bir qrup məhbus qiyam edir. Onlar əsgərləri girov götürmüşdülər. Bu hadisəni eşidən Rövşən dərhal həbsxanaya yollanır. O, məhbuslarla belə razılığa gəlir ki, əsgərlər azad edilir əvəzində isə Rövşənin özü girov qalır. Bu təhlükəli şərti qəbul edən polis kapitanı Rövşən Rzayev xidməti vəzifəsini yerin yetirərkən məhbuslar tərəfindən qətlə yetirildi.[2]
Ailəsi[redaktə | əsas redaktə]
Ailəli idi, iki övladı yadigar qalıb.[2]
Milli Qəhrəman[redaktə | əsas redaktə]
Azərbaycan Respublikası prezidetnin 12 yanvar 1999-cu il tarixli 73 saylı fərmanı ilə Rzayev Rövşən Abdulla oğlu ölümündən sonra "Azərbaycanın Milli Qəhrəmanı" adına layiq görülmüşdür.[3]
Sahil qəsəbəsində dəfn edilib. Sahil qəsəbəsində Rövşən Rzayevin adına park var. Həmin parkda büstü qoyulub.[1]
Həmçinin bax[redaktə | əsas redaktə]
Mənbə[redaktə | əsas redaktə]
- Vüqar Əsgərov. "Azərbaycanın Milli Qəhrəmanları" (Yenidən işlənmiş II nəşr). Bakı: "Dərələyəz-M", 2010, səh. 250.
İstinadlar[redaktə | əsas redaktə]
- ↑ 1 2 3 "RZAYEV RÖVŞƏN ABDULLA oğlu". Milliqahramanlar.az. İstifadə tarixi: 15 October 2018.
- ↑ 1 2 3 "Rzayev Rövşən Abdulla oğlu". Veten-ugrunda.az. İstifadə tarixi: 15 October 2018.
- ↑ "National Heroes". Azerbaijans.com. İstifadə tarixi: 27 September 2018.
