Vahid Quliyev (milli qəhrəman)

Vikipediya, azad ensiklopediya
Jump to navigation Jump to search
Vahid Quliyev
Vahid Həbibulla oğlu Quliyev
Vahid Quliyev (milli qəhrəman).jpg
Şəxsi məlumatlar
Doğum tarixi (65 yaş)
Doğum yeri Qumlaq, Cəbrayıl rayonu, Azərbaycan SSR
Hərbi fəaliyyəti
Döyüşlər
Təltifləri "Qızıl Ulduz" medalı

Vahid Həbibulla oğlu Quliyev (20 sentyabr 1955(1955-09-20), Qumlaq, Cəbrayıl rayonu) — Azərbaycanın Milli Qəhrəmanı[1].

Həyatı[redaktə | əsas redaktə]

20 sentyabr 1955-ci ildə Cəbrayıl rayonunun Qumlaq kəndində dünayaya göz açmışdır[2]. Uşaqlıq illəri Niyazqullar kəndində keçmişdir. O, 1972-ci ildə Zəngilan rayonunda Hacallıkənd orta məktəbini bitirmişdir. Bir müddət Niyazqullar kəndində təsərrüfat işlərində çalışmışdır. 1974-cü ildə ordu sıralarına çağırılmışdır. O, hərbi xidmətini Özbəkistan Respublikasında və Rusiyanın Obninsk şəhərində keçmişdir. 1976-cı ildə hərbi xidmətini başa vurub, Azərbaycan Dövlət Universitetinin fizika fakültəsinə daxil olmuşdur. 1981-ci ildə Universiteti bitirərək, təyinatla Laçın rayonunun Fərəcan kəndinə göndərilmişdir. 3 il burada müəllimlik etdikdən sonra Bakıya qayıdır və «Azon» Cihazqayırma Zavodunda sahə rəisi vəzifəsinə işə qəbul edilir. 1992-ci ilə qədər bu zavodda çalışmış və öz işinin öhdəsindən layiqincə gəlmişdir.

O, 1996-cı ildə BDU-nun hərbi kafedrasında müəllim, 2000-ci ilin avqust ayından 2002-ci ilin oktyabr ayına qədər Azərbaycan Ali Hərbi Məktəbində baş müəllim kimi fəaliyyətini davam etdirmişdir. 26 oktyabr 2002-ci ildə isə ordudan tərxis olunmuşdur[3].

Polkovnik-leytenant Vahid Quliyev hazırda Azərbaycan Silahlı Qüvvələrinin Təlim-Tədris Mərkəzində müəllim işləyir.

Döyüşlərdə iştirakı[redaktə | əsas redaktə]

O, 1992-ci ilin avqust ayında Yasamal rayon Hərbi Komissarlığına gələrək, cəbhəyə göndərilməsini xahiş edir. Arzusunu nəzərə alıb, onu bir zabit kimi döyüş xəttinə yola salırlar. Vahid Quliyev sentyabrın 7-də Ağdam istiqamətindən döyüşə girir. O, bu döyüşdə düşmənin bir tankını vurur. Beləliklə erməni yaraqlılarının hücumunun qarşısı alınır. Vahidin yoldaşları arasında hörməti getdikcə artırdı. Onu oktyabrın 14-də Qubadlıya göndərirlər. Burada da o, rəşadətlə vuruşur. Düşmənin bir neçə döyüş texnikasını və xeyli canlı qüvvəsini sıradan çıxarır. 28 fevral 1994-cü il… O, yenidən Ağdam döyüş bölgəsinə dönür. V.Quliyev xidmətə başlayan gündən atəşkəs elan olunana qədər düşmənin on zirehli texnikasını sıradan çıxarmışdı. Bunun səkkizi tank, ikisi isə PDM-dır (piyada döyüş maşını) idi[4].

Ailəsi[redaktə | əsas redaktə]

Ailəlidir. İki övlad atasıdır.

Milli Qəhrəman[redaktə | əsas redaktə]

Azərbaycan Respublikası prezidentinin 9 noyabr 1994-cü il tarixli fərmanı ilə göstərdiyi şücaətlərə görə Vahid Həbibulla oğlu Quliyevə «Azərbaycanın Milli Qəhrəmanı» adı verilmişdir[5].

Ədəbiyyat[redaktə | əsas redaktə]

İstinadlar[redaktə | əsas redaktə]

  1. Quliyev Vahid Həbibulla oğlu
  2. Milli Qəhrəmanlar Arif Qubadov və Vahid Quliyev
  3. Rey Kərimoğlu, "14 erməni tankını məhv etmiş qəhrəman: “...neyləmişəm ki?”- “Barıt qoxusu”"
  4. "QULİYEV VAHİD HƏBİBULLA oğlu". 2016-03-05 tarixində orijinalından arxivləşdirilib. İstifadə tarixi: 2013-08-21.
  5. Quliyev Vahid Həbibulla oğlu[ölü keçid]