Şükür Həmidov
Şükür Həmidov | |
---|---|
Şəxsi məlumatlar | |
Doğum adı | Şükür Nəriman oğlu Həmidov |
Doğum tarixi | |
Doğum yeri | Qubadlı, Azərbaycan |
Vəfat tarixi | (45 yaşında) |
Vəfat yeri | Qubadlı, Azərbaycan |
Dəfn yeri | |
Vətəndaşlığı | Azərbaycan |
Təhsili | |
Hərbi fəaliyyəti | |
Mənsubiyyəti | Azərbaycan Ordusu |
Qoşun növü | Quru Qoşunları |
Xidmət illəri | 1995—2020 |
Rütbəsi | Polkovnik |
Döyüşlər |
Aprel döyüşləri Vətən müharibəsi • Füzuli döyüşləri • Zəngilan döyüşləri • Qubadlı döyüşləri |
Təltifləri | |
Vikianbarda əlaqəli mediafayllar |
Şükür Nəriman oğlu Həmidov (1 aprel 1975, Armudlu, Qubadlı rayonu – 22 oktyabr 2020[1], Qubadlı rayonu) — polkovnik, Azərbaycanın Milli Qəhrəmanı;[2] Dördgünlük müharibənin və İkinci Qarabağ müharibəsinin iştirakçısı.[3]
Həyatı
Şükür Həmidov 1975-ci il martın 1-də Qubadlı rayonunun Armudlu kəndində müəllim ailəsində dünyaya göz açmışdır. Əvvəlcə Qubadlı rayonunun Başarat orta məktəbində, ardınca Cəmşid Naxçıvanski adına hərbi liseydə təhsil almışdır.[4] Şükür Həmidov, hələ hərbi liseydə təhsil alarkən, könüllü olaraq döyüşlərə getmək arzusunu komandanlığa bildirmişdir. Hərbi liseydən sonra, 1993-cü ildə Bakı Birləşmiş Ali Hərbi Komandirlər Məktəbinə daxil olaraq təhsilini davam etdirmiş və 1995-ci ildə motoatıcı ixtisasına yiyələnərək leytenant rütbəsində Naxçıvanda yerləşən hərbi hissələrin birində taqım komandiri kimi fəaliyyətə başlamışdır. 2006–2008-ci illərdə Silahlı Qüvvələrin Hərbi Akademiyasının müdavimi olmuşdur.[3]
2016-cı ildə Aprel döyüşlərinin iştirakçısı olmuş və Lələtəpə yüksəkliyinin azad edilməsində şücaət göstərmişdir. Azərbaycan Respublikası Prezidentinin 22 aprel 2016-cı il tarixli Sərəncamı ilə Şükür Nəriman oğlu Həmidov Azərbaycanın Milli Qəhrəmanı adına layiq görülmüşdür.[2]
Şükür Həmidov İkinci Qarabağ müharibəsi zamanı Qubadlı rayonunun azadlığı uğrunda gedən döyüşlərdə qəhrəmancasına vuruşaraq şəhid olmuşdur.[4] Milli Qəhrəman II Fəxri Xiyabanda torpağa tapşırılmışdır. Dəfn mərasimində, Müdafiə naziri Zakir Həsənov, Müdafiə Sənayesi naziri, Milli Qəhrəman Mədət Quliyev, Milli Qəhrəman Rövşən Əkbərov, Ş.Həmidovun zabit yoldaşları və ailə üzvləri iştirak etmişlər. [5]
Ailəli idi, iki övladı yadigar qalıb.
Hərbi xidməti
Erkən fəaliyyəti
Şükür Həmidov 1995-ci ildə motoatıcı ixtisasına yiyələnərək leytenant rütbəsində Naxçıvanın Culfa şəhərində, ön xətdə yerləşən hərbi hissələrin birində taqım komandiri kimi fəaliyyətə başladı. Qısa müddət ərzində bölük komandiri, sonra isə tabor komandirinin maddi-texniki təminat üzrə müavini vəzifəsində irəli çəkildi. Bir müddətdən sonra N. saylı hərbi hissədə motoatıcı taborun qərargah rəisi vəzifəsinə təyin edildi.[6]
2008-ci ildə Hərbi Akademiyanı bitirdikdən sonra cəbhə bölgəsində yerləşən müxtəlif hərbi hissələrdə tabor komandiri, qərargah rəisi, hərbi hissə komandirinin müavini, komandiri kimi xidmət etdi.[4]
Dördgünlük müharibədə iştirakı
Aprel döyüşlərinin başlaması Şükür Həmidovun Füzulidə hərbi hissəyə komandirlik etdiyi dövrə təsadüf etdi.[7] Erməni qüvvələrinin ön xətdə konsentrasiyasını müşahidə edən Azərbaycan Silahlı Qüvvələri də müəyyən qabaqlayıcı tədbirlər görürdü. Aprelin 1-dən 2-nə keçən gecə isə düşmən təxribat fəaliyyətinə başladı və açıq şəkildə hücuma keçməyə cəhd göstərdi. Həmin vaxt ön xətdə xidmət aparan sıravi əsgərlər düşmən hücumunun qarşısını məharətlə aldılar. Şükür Həmidov hərbi hissə komandiri kimi döyüşün ilk dəqiqələrindən etibarən hücuma gedən bölmələrlə birgə Lələtəpə istiqamətinə hərəkət etdi. Onlarla birlikdə sağ və sol cinahlarda da digər qruplar hərəkət edirdi.[8] Ş.Həmidovun bildirdiyinə görə əməliyyatın gedişində korpus komandiri Mais Bərxudarovun şəxsən iştirakı və yüksək peşəkarlığı əsgərləri sürətli hücuma həvəsləndirmişdir. Beləliklə, itki verərək geri çəkilən düşmən təqib edilmiş və qısa zaman müddətində Lələtəpə yüksəkliyi və ətrafındakı on kilometrlərlə ərazi azad edilmişdir.[8]
Mərhum polkovnik Şükür Həmidov Aprel döyüşləri ilə bağlı xatirələrini bölüşərkən demişdir:
“Burada ermənilərə yaxşı dərs verdik. Düşmən çaşğınlıq içərisində idi, başlarını itirmişdilər. Ermənilər Lələ təpə istiqamətindəki ərazini “Ohanyan səddi” adlandırırıdılar. Onlar hesab edirdilər ki, burada möhkəmləniblər və guya bura keçilməz idi. Amma döyüşçülərimiz bu həddi göz qırpımında keçdilər. 40 dəqiqə ərzində bizim hərbçilərimiz həmin ərazini azad elədilər. 1 saatın sonunda həmin təpədə bayrağımız dalğalanırdı. Bütün istiqamətlərdə düşmən pərakəndə şəkildə qaçırdı”...“Düşmən yaxşı döyüş aparsaydı, bu daha zövqlü olardı” [9] |
İkinci Qarabağ müharibəsində iştirakı
Şükür Həmidov döyüşlər başladığı andan etibarən ön xətdə olmuş və 23 oktyabr 2020-ci ildə doğma rayonu olan Qubadlı uğrunda gedən döyüşlər zamanı şücaət göstərərək şəhid olmuşdur. [10]
Təltif və mükafatları
Azərbaycan Respublikası Prezidentinin 22 aprel 2016-cı il tarixli Sərəncamı ilə Şükür Nəriman oğlu Həmidov "Azərbaycan Respublikasının Milli Qəhrəmanı" adına layiq görülmüşdür.[11]
10 may 2016-cı il tarixində Müdafiə naziri general-polkovnik Zakir Həsənov cəbhəboyu zonada yerləşən hərbi hissələrdə olarkən, aprel ayının əvvəlində Lələ təpə yüksəkliyinin azad edilməsi əməliyyatı zamanı şücaət göstərdiyinə görə polkovnik-leytenant Şükür Həmidova vaxtından əvvəl polkovnik hərbi rütbəsi təqdim olunmuşdur.[12]
- 2016 — Azərbaycanın Milli Qəhrəmanı
- 2016 — "Qızıl Ulduz" medalı[11]
İrsi
23 oktyabrın 2020-ci ildə Azərbaycan Respublikasının Prezidenti İlham Əliyev, Qubadlının azadlığı uğrunda şəhid olmuş Şükür Həmidovun atası Nəriman Həmidovla telefonla danışığı zamanı Milli Qəhrəmanın adının doğulduğu Qubadlı rayonunda əbədiləşdiriləcəyini bildirmişdir.[13]
İstinadlar
- ↑ Ilham Aliyev had a phone conversation with Nariman Hamidov, father of National Hero Shukur Hamidov who became a martyre in the liberation of Gubadli district.
- ↑ 1 2 "Polkovnik Həmidova Milli Qəhrəman adı verildi - FOTO". azvision.az (az.). İstifadə tarixi: 25 oktyabr 2020.
- ↑ 1 2 "Şükür Həmidov arzusuna çatdı... - FOTOLAR". azvision.az (az.). İstifadə tarixi: 25 oktyabr 2020.
- ↑ 1 2 3 "Doğulduğu kəndi işğaldan azad edərkən şəhid olan Milli Qəhrəman Şükür Həmidov – DOSYE". yeniavaz.com (az.). İstifadə tarixi: 25 oktyabr 2020.
- ↑ ""Şəhid verməsək torpağımızı azad edə bilmərik" - Şəhid Şükür Həmidovun atası". news24.az (az.). İstifadə tarixi: 26 oktyabr 2020.
- ↑ ""Aprel yüksəkliyi"". xalqazeti.com (az.). İstifadə tarixi: 25 oktyabr 2020.
- ↑ "40 dəqiqəyə işğaldan azad elədik - VİDEO". sportinfo.az (az.). 25 oktyabr 2020 tarixində arxivləşdirilib. İstifadə tarixi: 25 oktyabr 2020.
- ↑ 1 2 "Milli Qəhrəman Şükür Həmidov: "Düşmən yaxşı döyüş aparsaydı, bu daha zövqlü olardı" – MÜSAHİBƏ (EKSKLÜZİV)". ordu.az (az.). İstifadə tarixi: 25 oktyabr 2020.
- ↑ "Aprel yüksəkliyi (2018) - Azərbaycanın Milli Qəhrəmanı Şükür Həmidov". azerbaycan24.com (az.). 26 oktyabr 2020 tarixində arxivləşdirilib. İstifadə tarixi: 25 oktyabr 2020.
- ↑ "Şəhid olan Milli Qəhrəman haqqında film - Video". axsam.az (az.). İstifadə tarixi: 26 oktyabr 2020.
- ↑ 1 2 "Prezident polkovnik-leytenant Şükür Həmidova Milli Qəhrəman adı verdi". qlobal.az. qlobal.az. İstifadə tarixi: 24 aprel 2016.
- ↑ "Zakir Həsənov cəbhədə Milli Qəhrəmanla görüşdü". oxu.az (az.). İstifadə tarixi: 26 oktyabr 2020.
- ↑ "Milli Qəhrəman Şükür Həmidovun adı Qubadlıda əbədiləşdiriləcək". report.az (az.). İstifadə tarixi: 25 oktyabr 2020.
Həmçinin bax
- 1 martda doğulanlar
- 1975-ci ildə doğulanlar
- 45 yaşında vəfat edənlər
- 22 oktyabrda vəfat edənlər
- 2020-ci ildə vəfat edənlər
- II Fəxri Xiyabanda dəfn olunanlar
- Cəmşid Naxçıvanski adına hərbi liseyin məzunları
- Heydər Əliyev adına Hərbi İnstitutun məzunları
- Azərbaycan Silahlı Qüvvələrinin Hərbi Akademiyasının məzunları
- Azərbaycan polkovnikləri
- "Zəfər" ordeni ilə təltif edilənlər
- "Vətən uğrunda" medalı ilə təltif edilənlər
- "Cəbrayılın azad olunmasına görə" medalı ilə təltif edilənlər
- "Füzulinin azad olunmasına görə" medalı ilə təltif edilənlər
- "Qubadlının azad olunmasına görə" medalı ilə təltif edilənlər
- "Azərbaycan Xalq Cümhuriyyətinin 100 illiyi" yubiley medalı ilə təltif edilənlər
- "Azərbaycan Silahlı Qüvvələri Veteranı" medalı ilə təltif edilənlər
- "Azərbaycan Silahlı Qüvvələrinin 10 illiyi" yubiley medalı ilə təltif edilənlər
- "Azərbaycan Silahlı Qüvvələrinin 90 illiyi" yubiley medalı ilə təltif edilənlər
- "Azərbaycan Silahlı Qüvvələrinin 95 illiyi" yubiley medalı ilə təltif edilənlər
- "Azərbaycan Ordusunun 100 illiyi" yubiley medalı ilə təltif edilənlər
- Azərbaycanın Milli Qəhrəmanları
- "Qüsursuz xidmətə görə" 1-ci dərəcəli medalı ilə təltif edilənlər
- "Qüsursuz xidmətə görə" 2-ci dərəcəli medalı ilə təltif edilənlər
- "Qüsursuz xidmətə görə" 3-cü dərəcəli medalı ilə təltif edilənlər
- "Hərbi xidmətdə fərqlənməyə görə" 2-ci dərəcəli medalı ilə təltif edilənlər
- "Hərbi xidmətdə fərqlənməyə görə" 3-cü dərəcəli medalı ilə təltif edilənlər
- Əlifba sırasına görə hərbi xadimlər
- 1 apreldə doğulanlar
- Qubadlı rayonunda doğulanlar
- Qubadlı rayonunda vəfat edənlər
- Azərbaycanın milli qəhrəmanları
- Azərbaycan tərəfindən Qarabağ müharibəsi iştirakçıları
- İkinci Qarabağ müharibəsində həlak olanlar
- Azərbaycan hərbçiləri
- Polkovniklər
- Hərbçilər
- Bakı Ali Ümumqoşun Komandirlər Məktəbinin məzunları
- Aprel döyüşləri iştirakçıları
- Vətən müharibəsinin şəhidləri