Teymur Quliyev (dövlət xadimi)

Vikipediya, açıq ensiklopediya
Jump to navigation Jump to search
Infobox-realisateur.png
Teymur Quliyev
Fotoqrafiya
bayraqAzərbaycan SSR Nazirlər Sovetinin 1-ci və 3cü sədribayraq
28 mart 1946 — 6 aprel 1953
Sələfi vəzifə təsis edilib
Xələfi Mircəfər Bağırov
17 avqust 1953 — 1 mart 1954
Sələfi Mircəfər Bağırov
Xələfi Sadıq Rəhimov
bayraqAzərbaycan SSR Xalq Komissarları Sovetinin sədribayraq
13 noyabr 1937 — 28 mart 1946
Sələfi Hüseyn Rəhmanov
Xələfi vəzifə ləğv edilib
bayraqAzərbaycan SSR Ali Məhkəməsinin sədribayraq
oktyabr 1936 — 13 noyabr 1937
Xələfi Böyükağa Hüseynov
bayraqAzərbaycan Dövlət Siyasi İdarəsinin Lənkəran şöbəsinin rəisibayraq
1929 — 1930
bayraqBakıda Azərbaycan Dövlət Siyasi İdarəsində gizli şöbənin və xüsusi şöbənin rəisibayraq
1923 — 1929
bayraqAzərbaycan Fövqəladə Komissiyası müvəkkilinin köməkçisi və siyasi bürosunun rəisibayraq
1921 — 1923
bayraqQaryagin Cəbrayıl Qəza İnqilab Komitəsinin sədribayraq
1920

Doğum tarixi25 noyabr 1888(1888-11-25)
Doğum yeri Flag of the Russian Empire (black-yellow-white).svgCəbrayıl kəndi, Qaryagin qəzası, Yelizavetpol quberniyası
Vəfat tarixi 18 noyabr 1965 (76 yaşında)
Vəfat yeri Bakı, Flag of the Azerbaijan Soviet Socialist Republic.svg Azərbaycan SSR
Uşaqlarıİsgəndər Quliyev[1]

Mükafatları"Lenin" ordeni  — 1940 "Lenin" ordeni  — 1943 "Lenin" ordeni I dərəcəli "Vətən Müharibəsi" ordeni — 1945 "Qırmızı Əmək Bayrağı" ordeni (SSRİ)

Teymur İmanqulu oğlu QuliyevAzərbaycan SSR-nin dövlət xadimi. Azərbaycan SSR Xalq Komissarları Sovetinin sədri (1937-1946) və Azərbaycan SSR Nazirlər Şurasının sədri (1946-1953; 1953-1954).

Həyatı[redaktə | əsas redaktə]

1888-cı ildə Qaryagin qəzasının Cəbrayıl kəndində kəndli ailəsində anadan olmuşdur. O, ilk təhsilini iki sinifli kənd məktəbində almış, 1909-cu ildə məktəbi bitirib Gürcüstanın Qori şəhərinə gedərək seminariyaya daxil olmuşdur.

1914-cü ildə Qori müəllimlər seminariyasını müvəffəqiyyətlə bitirən T.Quliyev gənc müəllim kimi Cəbrayıl kəndinə gəlmiş və iki sinifli kənd məktəbində 1918-ci ilin ortalarına kimi müəllimlik etmişdir.

Ailə vəziyyətinin ağırlığı onu müəllimlikdən uzaqlaşmağa məcbur etmişdir. 1918-1919-cu illərdə T.Quliyev Culfa-Bakı dəmiryolunun çəkilişində işləmişdir. 1919-1920-ci illərdə isə o, Cəbrayıl poçtunda çalışmış və burada ikinci peşə – teleqrafçı peşəsini öyrənmişdir. Eyni zamanda o, burada inqilabi hərəkata qoşulmuşdur.

1920-1921-ci illərdə T.Quliyev əvvəllər Cəbrayıl inqilab komitəsinin, sonralar yoxsul komitəsinin sədri, yetim uşaqlar yurdunun direktoru vəzifəsində çalışmışdır. 1921-1934-cü illərdə Azərbaycan Fövqəladə Komissiyasının orqanlarında işləmişdir. T.Quliyev 1921-ci ildə Qaryagin qəza komitəsinin göstərişi ilə antisovet qüvvələrə qarşı mübarizə aparmaq üçün Azərbaycan Fövqəladə Komissiyası müvəkkilinin köməkçisi və siyasi bürosunun rəisi olmuşdur. O, bu zaman yeni yaranmaqda olan hökumətin ziddinə gedən dəstələrin məhv olunmasında fəal iştirak etmişdir.

1923-1929-cu illərdə o, Bakıda Azərbaycan Dövlət Siyasi İdarəsində gizli şöbənin və xüsusi şöbənin rəisi vəzifələrində çalışmışdır.

T.Quliyev 1929-1930-cu illərdə Azərbaycan Dövlət Siyasi İdarəsinin Lənkəran şöbəsinin rəisi olmuş, 1930-1931-ci illərdə isə Gəncə xüsusi əməliyyat şöbəsinin rəisi vəzifəsində işləmişdir. O, bu dövrdə Azərbaycanda dini hərəkatlara, kolxoz və sovxozların komsomol təşkilatlarının yaradılması əleyhinə çıxanlara qarşı aparılan mübarizədə fəal iştirak etmişdir. Gəncə hadisələri yatırıldıqdan sonra Bakıya çağırılan T.Quliyev 1931-1934-cü illərdə Azərbaycan Dövlət Siyasi İdarəsinin mərkəzi aparatında iqtisadi şöbə rəisinin müavini vəzifəsini daşımışdır.

1934-1937-ci illərdə T.Quliyev Azərbaycan SSR Ali Məhkəməsi xüsusi kollegiyasının sədri, Azərbaycan SSR Ali Məhkəməsinin sədri olmuşdur.

Azərbaycan SSR Mərkəzi İcraiyyə Komitəsinin rəyasət heyətinin 1937-ci il 3 noyabr tarixli qərarı ilə T.Quliyev Azərbaycan SSR XKS sədri təyin edilmişdir. Qərarı MİK sədrinin vəzifəsini icra edən M.Qasımov və katibi M.Şəmsəddinski imzalamışlar.

1937-1954-cü illərdə T.Quliyev respublikanın ən yüksək vəzifələrindən birində – Azərbaycan SSR Xalq Komissarları Sovetinin (sonralar Nazirlər Sovetinin) sədri vəzifəsində çalışmışdır.

T.Quliyev 1954-1965-ci illərdə Gəncə şəhərinə tabe olan sovxozların birinin direktoru olmuşdur.

O, 1965-ci il noyabrın 18-də Bakı şəhərində vəfat etmişdir.

Mükafatları[redaktə | əsas redaktə]

T.Quliyev 3 dəfə Lenin ordeni, 1-ci dərəcəli Vətən müharibəsi ordeni, Azərbaycan SSR Qırmızı Əmək Bayrağı ordeni və medallarla təltif olunmuşdur.

Mənbə[redaktə | əsas redaktə]

  • Musa Qasımlı, Cavid Hüseynov. Azərbaycanın baş nazirləri. Bakı, 2005

İstinadlar[redaktə | əsas redaktə]

  1. Azərbaycanın baş nazirinin oğlu niyə güllələndi? - 2 milyon pul, 430 ev və ölüm gəzintisi... xeberle.com 28.06.2016  (azərb.)